Huawei Mate 70 Series: హవాయి నుంచి నాలుగు ఫ్లాగ్‌షిప్ ఫోన్లు.. లాంచ్ ఎప్పుడంటే?

Huawei Mate 70 Series: హవాయి ఎట్టకేలకు తన ఫ్లాగ్‌షిప్ Mate 70 సిరీస్ స్మార్ట్‌ఫోన్‌ల లాంచ్ తేదీని వెల్లడించింది. Huawei కన్స్యూమర్ బిజినెస్ గ్రూప్ (CBG) CEO రిచర్డ్‌యు 2024 గ్వాంగ్‌జౌ ఆటో షోలో కొత్త సిరీస్‌ను నవంబర్ 26, 2024న ప్రారంభించనున్నట్లు ప్రకటించారు. అయితే ఈ సమాచారం ఇంకా Huawei మొబైల్ అధికారికంగా వెల్లడించలేదు.

ఈ సిరీస్‌లో కనీసం నాలుగు స్మార్ట్‌ఫోన్‌లు ఉంటాయి

1. Huawei Mate 70

2.Huawei Mate 70 Pro

3. Huawei Mate 70 Pro+

4. Huawei Mate 70 RS Ultimate

మేట్ 70 సిరీస్ కొత్త HiSilicon Kirin 9100 చిప్‌ను కలిగి ఉంటుందని భావిస్తున్నారు. ఇది 6nm ప్రాసెస్ నోడ్‌లో SMIC చే తయారు చేస్తున్నారు. దీని పనితీరు Qualcomm Snapdragon 8+ Gen 1కి సమానమైనదిగా పరిగణించవచ్చు. Huawei సిగ్నేచర్ సర్క్యులర్ కెమెరా మాడ్యూల్ ఈ సిరీస్‌లో కనిపిస్తుంది. మాడ్యూల్‌లో నాలుగు కెమెరా సెన్సార్లు అందించారు. వీటిని స్క్వేర్ ఫార్మేషన్‌లో సెట్ చేస్తారు. ఈ మాడ్యూల్ సర్కిల్ లేదా ఓవల్ ఆకారంతో ప్రత్యేకమైన డిజైన్‌ను అందించగలదు.

మేట్ 70 సిరీస్ Huawei కొత్త ఆపరేటింగ్ సిస్టమ్ HarmonyOS నెక్స్ట్‌లో రన్ అవుతుంది. ఈ సిస్టమ్ ఆండ్రాయిడ్ ఓపెన్ సోర్స్ ప్రాజెక్ట్ (AOSP)పై ఆధారపడి ఉండదు. ఇది వినియోగదారులకు గొప్ప అనుభవాన్ని అందిస్తుంది. ఈ లైనప్ 6,000mAh బ్యాటరీని కలిగి ఉంటుంది. ఇది 88W ఫాస్ట్ ఛార్జింగ్ సపోర్ట్‌తో వస్తుంది. మేట్ 70 సిరీస్ మరింత పెద్ద బ్యాటరీని పొందే అవకాశం ఉంది. అదనంగా ఈ సిరీస్ 50W వైర్‌లెస్ ఛార్జింగ్, 20W రివర్స్ వైర్‌లెస్ ఛార్జింగ్‌కు కూడా సపోర్ట్ ఇస్తుంది.