How To Detect Hidden Camera: భద్రం బీ కేర్ ఫుల్.. అమ్మాయిలు ఇది మీ కోసమే.. సీక్రెట్ కెమెరాలకు ఇలా చెక్ పెట్టిండి..!

How To Detect Hidden Camera: ఆంధ్రప్రదేశ్‌లోని కృష్ణా జిల్లా గుడ్లవల్లేరు ఇంజినీరింగ్ కళాశాల బాలికల వాష్‌రూమ్‌లో సీక్రెట్ కెమెరా కనిపించడంతో కలకలం రేగింది. ఈ విషయం తెలుసుకున్న ఇంజినీరింగ్ కళాశాల విద్యార్థులు పెద్ద ఎత్తున నినాదాలు చేశారు. విద్యార్థినులను స్పై కెమెరాల ద్వారా వీడియోలు రికార్డు చేసి విక్రయిస్తున్నట్లు వెలుగులోకి వచ్చింది. ఈ సీక్రెట్ కెమెరాను వాష్‌రూమ్‌లో అమర్చడంలో హాస్టల్ విద్యార్థినిలు కొందరు నిందితులకు సహాయం చేశారు. స్పై, హిడెన్ కెమెరాల ద్వారా నేరం జరగడం ఇదే మొదటిసారి కాదు. బెంగళూరులోని ఓ కాఫీ షాప్‌ వాష్‌రూమ్‌లో సీక్రెట్ కెమెరాను గుర్తించినట్లు ఇటీవలే వార్తలు. సమాచారం ప్రకారం బాలికల టాయిలెట్‌లోని డస్ట్‌బిన్‌లో హిడెన్ కెమెరా దాచి ఉంచారు.

మీరు ఊహించలేనంతగా గదిలోని చిన్న చిన్న ప్రదేశాల్లో సీక్రెట్ కెమెరాలను సెట్ చేయవచ్చు. డ్రెస్సింగ్ టేబుల్ అద్దం నుండి ఫైర్ అలారం, అల్మిరా స్క్రూల వరకు అన్నింటిలో దాచిన హిడెన్ కెమెరాలు అమర్చబడి ఉంటాయి. అయితే మీరు కావాలంటే మీరు గదులు లేదా వాష్‌రూమ్‌లలో దాచిన హిడెన్ కెమెరాలను సులభంగా గుర్తించవచ్చు. దీని కోసం మీరు మీ స్మార్ట్‌ఫోన్‌ను ఆయుధంగా ఉపయోగించవచ్చు.

How To Detect Hidden Camera..?
అయితే ఇలాంటి హిడెన్ లేదా సీక్రెట్ కెమెరాలను గుర్తించాలంటే ముందుగా అప్రమత్తంగా ఉండాలి. ముఖ్యంగా హోటల్ గదులలో, టిష్యూ బాక్స్ నుండి హెయిర్ డ్రైయర్ లేదా వాల్ క్లాక్ వరకు ప్రతిదానిలో దీన్ని ఇన్‌స్టాల్ చేయవచ్చు. దీన్ని తెలుసుకోవడానికి, ముందుగా గదిలో ఉన్న అన్ని లైట్లను స్విచ్ ఆఫ్ చేసి, ఏదైనా లైట్ మెరుస్తుందో లేదో చెక్ చేయండి. ఇది కాకుండా గదిలో ఉన్న ఎలక్ట్రిక్ పరికరాలను త్వరగా పరిశీలించి, ఏదైనా అదనపు పవర్ అడాప్టర్ ఇన్‌స్టాల్ చేయబడిందో లేదో తనిఖీ చేయండి. ఈ పద్ధతులను ప్రయత్నించిన తర్వాత, మీరు మీ స్మార్ట్‌ఫోన్‌ను స్పై కెమెరా డిటెక్టర్‌గా ఉపయోగించవచ్చు.

స్మార్ట్‌ఫోన్‌ను ఆయుధంగా మార్చుకోండి. వీక్ సిగ్నల్ కారణంగా వాయిస్ బ్రేక్‌ అవుతుందో లేదో చూడటానికి మీ స్నేహితులు లేదా బంధువులు ఎవరికైనా కాల్ చేయండి. గది చుట్టూ నడవండి. సమీపంలో కెమెరా ఉన్నట్లయితే కెమెరా సిగ్నల్ కారణంగా వాయిస్ బ్రేకింగ్ సమస్య ఉండవచ్చు. హిడెన్ లేదా సీక్రెట్ కెమెరాను కనుగొనడానికి మీ ఫోన్ ముందు కెమెరాను ఉపయోగించవచ్చు. అలానే మీ స్మార్ట్‌ఫోన్‌లో హిడెన్ కెమెరా డిటెక్టర్ యాప్‌ను ఉపయోగించండి.

గదిలో లేదా బాత్రూంలో సీక్రెట్ కెమెరాలను గుర్తించడానికి మీరు మీ స్మార్ట్‌ఫోన్ ఫ్లాష్ లైట్‌ని కూడా ఉపయోగించవచ్చు. ఫ్లాష్ లైట్ సహాయంతో మీరు స్మోక్ డిటెక్టర్, టేబుల్ ల్యాంప్ లేదా గదిలో ఉన్న ఏదైనా ఇతర వస్తువు నుండి సీక్రెట్ కెమెరాను కనుగొనవచ్చు. దీని కోసం మీరు ఈ వస్తువులకు ఫ్లాష్ లైట్ చూపించవలసి ఉంటుంది. ఈ వస్తువుల నుండి లైట్ రిఫ్లెక్ట్ అవుతుంటే వాటిలో హిడెన్ కెమెరా ఉండే అవకాశాలు ఎక్కువగా ఉంటాయి.