WTC Final 2023: జూన్‌ 7న ప్రపంచ టెస్టు ఛాంపియన్‌షిప్‌ ఫైనల్‌

WTC Final 2023: జూన్‌ 7 నుంచి ఐసీసీ ప్రపంచ టెస్టు ఛాంపియన్‌షిప్‌ ఫైనల్‌ మ్యాచ్‌ మొదలవుతుంది. పాయింట్ల పట్టికలో అగ్రస్థానంలో నిలిచిన భారత్‌, ఆస్ట్రేలియా ఈ పోరులో తలపడుతున్నాయి. ప్రతిష్ఠాత్మక మ్యాచులో గెలిచి 'టెస్టు గద'ను సొంతం చేసుకోవాలని రెండు జట్లూ పట్టుదలగా ఉన్నాయి. ఇప్పటికే టీమ్‌ఇండియా ఆటగాళ్లంతా లండన్‌కు చేరుకొన్నారు. ఓవల్‌ మైదానంలో ప్రతి రోజూ సాధన చేస్తున్నారు. అక్కడి వాతావరణానికి అలవాటు పడుతున్నారు. రోహిత్‌ శర్మ 2021లో ఓవల్‌ మైదానంలో విదేశాల్లో తొలి టెస్టు సెంచరీ అందుకున్నాడు. ఫైనల్‌ సైతం అక్కడే జరుగుతుండటంతో అతడిపై అంచనాలు పెరిగాయి.