India vs Bangladesh: ఇవాళ బంగ్లాదేశ్‌తో టీమిండియా ఢీ..

India vs Bangladesh: వన్డే వరల్డ్‌కప్‌లో మరో ఇంట్రెస్టింగ్‌ ఫైట్‌ జరగనుంది. ఇవాళ టీమిండియాతో బంగ్లాదేశ్‌ తలపడనుంది. పుణె వేదికగా మధ్యాహ్నం 2 గంటలకు మ్యాచ్‌ ప్రారంభం కానుంది. ప్రస్తుతం వన్డే ప్రపంచకప్‌లో చిన్న జట్లు దుమ్మురేపుతున్నాయి. ఇటీవల ఆఫ్ఘనిస్తాన్‌, నెదర్లాండ్స్‌ మ్యాచ్‌లు చూస్తే ఈ విషయం స్పష్టంగా అర్థమవుతుంది. దీంతో.. ఇప్పుడు అన్ని టీమ్‌లు బంగ్లాదేశ్‌ వైపే చూస్తున్నాయి. బ్యాటింగ్‌, బౌలింగ్‌, ఫీల్డింగ్‌ ఇలా అన్నిరంగాల్లో రోహిత్‌ సేన పటిష్టంగా ఉంది. అయితే.. ఇటీవల ఆసియా కప్‌లో బంగ్లాదేశ్‌తో జరిగిన పోరులో భారత్‌ ఓటమి పాలైంది. అటు ద్వైపాక్షిక సిరీస్‌లోనూ బంగ్లా చేతిలో భారత్‌ ట్రోఫీ కోల్పోయింది. దీంతో ఈ మ్యాచ్‌లో ఎలాగైనా గెలవాలని రోహిత్‌ సేన భావిస్తోంది.