IND Vs NED Highlights: టీ20 ప్రపంచకప్‌లో భారత్ రెండో విజయం

IND Vs NED Highlights: టీ20 ప్రపంచకప్‌లో టీమిండియా వరుసగా రెండో విజయాన్ని నమోదు చేసింది. తొలి మ్యాచ్‌లో పాక్‌ జట్టును చిత్తు చేసిన రోహిత్ సేన.. రెండో మ్యాచ్‌లో నెదర్లాండ్స్ టీంను కూడా భారీ తేడాతో ఓడించింది. టీమిండియా 180 పరుగుల లక్ష్యాన్ని ఛేదించలేక నెదర్లాండ్స్ జట్టు నిర్ణీత ఓవర్లలో 9 వికెట్లు కోల్పోయి 123 పరుగులకే పరిమితమైంది. దీంతో భారత్ 56 పరుగుల తేడాతో విజయం సాధించి, గ్రూప్ 2లో అగ్రస్థానం చేరింది.

విరాట్‌ కోహ్లి, సూర్యకుమార్‌ యాదవ్‌, రోహిత్‌ శర్మ రాణించడంతో భారత్‌ 20 ఓవర్లలో 2 వికెట్ల నష్టానికి 179 పరుగులు చేసింది. విరాట్ 44 బంతుల్లో 62, సూర్య 25 బంతుల్లో 51, రోహిత్ 39 బంతుల్లో 53 పరుగులు చేశారు. నెదర్లాండ్స్‌లో ఫ్రెడ్ క్లాసెన్, పాల్ వాన్ మెకెర్న్ తలో 1 వికెట్ తీశారు. టాస్ గెలిచిన టీమిండియా తొలుత తడబడ్డప్పటికీ.. చివరి ఐదు ఓవర్లలో భారత్ 65 పరుగులతో బ్యాట్స్ మెన్స్ రాణిచడం, నెదర్లాండ్ ఆటగాళ్లు తలబడటంతో భారత్ కు ఈ విజయం సునాయాసమైంది.