ICC Rankings: టాప్-5లోకి మిథాలీ రాజ్

ICC Rankings: టీమ్ఇండియా కెప్టెన్ మిథాలీ రాజ్ వన్డే ఐసీసీ ప్రకటించిన మహిళల వన్డే ర్యాంకింగ్​ల్లో టీమ్ఇండియా కెప్టెన్ మిథాలీ రాజ్​ టాప్-5లోకి ప్రవేశించింది. బ్రిస్టల్​ వేదికగా ఇంగ్లాండ్​తో జరిగిన తొలి వన్డేలో 72 పరుగులు చేయడం మిథాలీకి కలిసొచ్చింది. 2019 అక్టోబర్​లో చివరిసారిగా మిథాలీ తొలి ఐదుగురిలో ఉండేది. ఇంగ్లాండ్​పై వన్డేతో 22 ఏళ్ల కెరీర్​లోకి అడుగుపెట్టిన మిథాలీ.. 27కే రెండు వికెట్లు కోల్పోయిన జట్టును కెప్టెన్ ఇన్నింగ్స్​తో ఆదుకుంది.

తొలి వన్డేతోనే 22 ఏళ్ల క్రికెట్‌ కెరీర్‌ను పూర్తి చేసుకున్న మిథాలీ.. 38 ఏళ్ల వయసులోనూ యువ క్రికెటర్లతో పోటీపడి మరీ పరుగులు చేస్తోంది. 2019 తర్వాత ఆమె వన్డే ర్యాంకింగ్స్‌లో మళ్లీ టాప్‌-5లోకి అడుగుపెట్టడం విశేషం. ఇక, భారత్ స్టార్ ఓపెనర్ స్మృతి మంధాన తొమ్మిది స్థానంలో నిలిచింది. మరో టీమ్ఇండియా క్రికెటర్​​ పూజా వస్త్రాకర్ ఆల్​రౌండర్ల జాబితాలో​ 97వ స్థానంలో నిలిచింది. ఇక బ్యాటర్ల జాబితాలో 88వ స్థానాన్ని కైవసం చేసుకుంది.