IND vs ENG 4th Test: సిరీస్ మ‌న‌దే.. రాంచీ టెస్టులో టీమ్ఇండియా ఘ‌న విజ‌యం..

IND vs ENG 4th Test: టీమిండియా అద్భుత విజయం సాధించింది. ఇంగ్లండ్‌ను ఐదు వికెట్ల తేడాతో ఓడించింది. మరో మ్యాచ్‌ మిగిలి ఉండగానే సిరీస్‌ను 3-1తో కైవసం చేసుకుంది. కాగా ఐదు మ్యాచ్‌ల సిరీస్‌ ఆడేందుకు భారత్‌లో అడుగుపెట్టిన ఇంగ్లండ్‌ తొలి టెస్టులో గెలుపొందింది. అయితే, ఆ మరుసటి మ్యాచ్‌లోనే తిరిగి పుంజుకున్న టీమిండియా.. వరుసగా విజయాలు సాధించింది. విశాఖ తర్వాత రాజ్‌కోట్‌.. తాజాగా రాంచి టెస్టులో గెలుపొంది ఇంగ్లండ్‌పై ఆధిపత్యాన్ని చాటుకుంది. యువ ఆటగాళ్లతోనే సిరీస్‌ గెలిచి సత్తా చాటింది రోహిత్‌ సేన.