IND vs PAK: లాహోర్‌లో భారత్ vs పాక్ మ్యాచ్.. ఒకే గ్రూపులో ఇరుజట్లు.. ఛాంపియన్స్ ట్రోఫీ షెడ్యూల్ ఇదే?

Champions Trophy 2025, IND vs PAK: ఛాంపియన్స్ ట్రోఫీ 2025 మ్యాచ్ మార్చి 1న భారత్ వర్సెస్ పాకిస్తాన్ మధ్య జరగనుంది. దీనికి సంబంధించి కీలక సమాచారం వెలుగులోకి వచ్చింది. పీటీఐ నివేదిక ప్రకారం, పాకిస్తాన్ క్రికెట్ బోర్డు భారత్ వర్సెస్ పాకిస్తాన్ మ్యాచ్ తేదీ, వేదికను నిర్ణయించినట్లు తెలుస్తోంది. లాహోర్‌లో భారత్-పాక్ మ్యాచ్ నిర్వహించేందుకు పీసీబీ ప్లాన్ చేసింది. అయితే దీనిపై భారత క్రికెట్‌ కంట్రోల్‌ బోర్డు ఎలాంటి స్పందనా వ్యక్తం చేయలేదు. ఈసారి ఛాంపియన్స్ ట్రోఫీని పాకిస్థాన్‌లో నిర్వహించనున్నారు. అయితే భారత జట్టు పాకిస్తాన్‌కు వెళ్లాలా వద్దా అనే దానిపై ఎలాంటి నిర్ణయం తీసుకోలేదు.

పీటీఐ వార్తల ప్రకారం, మార్చి 1న లాహోర్‌లో భారత్-పాక్ మధ్య మ్యాచ్ జరగనుంది. ఈ టోర్నీ ఫిబ్రవరి 19 నుంచి మార్చి 9 వరకు జరగనుంది. అయితే, మార్చి 10ని రిజర్వ్ డేగా ఉంచారని వార్తలు వినిపిస్తున్నాయి. టోర్నీ చివరి మ్యాచ్ మార్చి 9న జరగనుంది. ఈ టోర్నీ కోసం పీసీబీ ప్రత్యేక సన్నాహాలు చేసింది.

టీమ్ ఇండియా అన్ని మ్యాచ్‌లు లాహోర్‌లోనే..

నివేదిక ప్రకారం, 2024 T20 ప్రపంచ కప్ చివరి మ్యాచ్ కోసం PCB చైర్మన్ మొహ్సిన్ నఖ్వీ బార్బడోస్‌లో ఉన్నారు. అతను 15 మ్యాచ్‌ల షెడ్యూల్‌ను ఐసీసీకి ఇచ్చినట్లు తెలుస్తోంది. టీమ్ ఇండియా అన్ని మ్యాచ్‌లు లాహోర్‌లో జరగనున్నాయి. ఇక్కడ కట్టుదిట్టమైన భద్రతా ఏర్పాట్లు చేయనున్నారు. లాహోర్‌లో ఏడు మ్యాచ్‌లు జరగనున్నాయి. కరాచీలో మూడు మ్యాచ్‌లు జరగనున్నాయి. దీంతో పాటు రావల్పిండిలో ఐదు మ్యాచ్‌లు జరగనున్నాయి.

చివరి మ్యాచ్ లాహోర్‌లోనే..

ఛాంపియన్స్ ట్రోఫీ 2025 మొదటి మ్యాచ్ కరాచీలో జరగవచ్చు. దీనితో పాటు సెమీ ఫైనల్ మ్యాచ్ కూడా జరగొచ్చు. రావల్పిండిలో సెమీ ఫైనల్ మ్యాచ్ ఆడవచ్చు. అయితే, ఫైనల్ మ్యాచ్ లాహోర్‌లో నిర్వహించవచ్చు. ఈ నగరంలోనే టీమ్ ఇండియాను ఉంచేందుకు ప్లాన్ చేస్తున్నారు.

భారత్-పాకిస్థాన్‌లు గ్రూప్‌-ఏలో..

ఛాంపియన్స్ ట్రోఫీ కోసం రెండు గ్రూపులను ఏర్పాటు చేశారు. ఇందులో భారత్‌, పాకిస్థాన్‌, న్యూజిలాండ్‌, బంగ్లాదేశ్‌లను గ్రూప్‌-ఏలో ఉంచారు. గ్రూప్‌-బిలో ఆస్ట్రేలియా, దక్షిణాఫ్రికా, ఇంగ్లండ్‌, ఆఫ్ఘనిస్థాన్‌ జట్లు ఉంటాయంట.