BSNL Recharge Plan: కొత్త ప్లాన్.. తక్కువ ధరకే అన్‌లిమిటెడ్ బెనిఫిట్స్.. 16 వరకే లాస్ట్ ఛాన్స్

BSNL Recharge Plan Rs 2,399: ప్రభుత్వ టెలికాం సంస్థ భారతీయ సంచార్ నిగమ్ లిమిటెడ్ (BSNL) వినియోగదారులకు నూతన సంవత్సరం సందర్భంగా అద్భుతమైన బహుమతిని అందించింది. కంపెనీ ప్లాన్‌లలో ఒకదాని వాలిడిటీని ఒక నెల పాటు పొడిగించింది. దానికి ఎటువంటి ఛార్జీ అవసరం లేదు. ఇప్పుడు 395 రోజుల వ్యాలిడిటీతో BSNL 425 రోజుల వ్యాలిడిటీని అందిస్తోంది. అంటే, ఒకసారి రీఛార్జ్ చేసిన తర్వాత, వినియోగదారులు 14 నెలల వరకు వ్యాలిడిటీ గురించి ఆందోళన చెందాల్సిన అవసరం లేదు.

రూ. 2,399 ప్లాన్‌

రూ.2,399కే కస్టమర్లు ఈ ప్రయోజనాలను పొందుతారని BSNL తెలిపింది. ఇంతకుముందు, ఈ ప్లాన్‌కు 395 రోజుల వాలిడిటీ, రోజుకు 2GB డేటా ఉంది. ఇప్పుడు కొత్త సంవత్సరం సందర్భంగా, కంపెనీ ఈ ప్రయోజనాలను ఒక నెల పొడిగించింది. అంటే ఇప్పుడు మీరు రూ. 2,399కి 425 రోజుల వాలిడిటీ, మొత్తం 850GB డేటా పొందుతారు.

లాంగ్ వాలిడిటీతో పాటు, కంపెనీ ఈ ప్లాన్‌లో అన్‌లిమిటెడ్ ఫ్రీ కాలింగ్ సౌకర్యాన్ని కూడా అందిస్తోంది. అంటే కస్టమర్లు దేశంలోని ఏ నంబర్‌కైనా అపరిమిత వాయిస్ కాల్స్ చేసుకోగలరు. ఇదేకాకుండా, ప్రతిరోజూ 100 ఫ్రీ SMS ప్రయోజనం కూడా అందుబాటులో ఉంది. దాదాపు రూ. 5.50 రోజువారీ ఖర్చుతో, వినియోగదారులు 14 నెలల పాటు ఈ ప్రయోజనాలన్నింటినీ పొందుతారు.

ఈ ప్రయోజనాలను పొందేందుకు, వినియోగదారులు ఈ రీఛార్జ్‌ను జనవరి 16లోపు పూర్తి చేసుకోవాలి. కంపెనీ ఈ ఆఫర్‌ను జనవరి 16, 2025 వరకు మాత్రమే అందిస్తోంది. మీరు ఆలస్యం చేస్తే, మీరు ఈ ఆఫర్ ప్రయోజనాన్ని పొందలేరు. న్యూ ఇయర్ సందర్భంగా బీఎస్ఎన్ఎల్ మరో ఆఫర్‌ను విడుదల చేసింది. ఇందులో రూ.277 రీఛార్జ్ చేసుకుంటే 120 GB ఉచిత డేటా, అపరిమిత ఉచిత కాలింగ్‌ను వినియోగదారులు పొందుతున్నారు. ఈ ఆఫర్ కూడా జనవరి 16 వరకు వర్తిస్తుంది.