Lunar Eclipse 2023: ఈ ఏడాది తొలి చంద్ర గ్రహణం.. ఈ 4 రాశుల వారు నక్కతోక తొక్కినట్లే.. అందులో మీరున్నారా?

Chandra Grahan 5 May 2023: సంవత్సరంలో మొదటి చంద్రగ్రహణం రానుంది. మరో 2 రోజుల్లో అంటే 5 మే 2023, శుక్రవారం, సంవత్సరంలో మొదటి చంద్రగ్రహణం ఏర్పడనుంది. బుద్ధ పూర్ణిమ కూడా ఈ రోజే కావడం గమనార్హం. బుద్ధ పూర్ణిమ వైశాఖ పూర్ణిమ రోజున నిర్వహిస్తారు.

రాశులపై చంద్రగ్రహణం ప్రభావం..

చంద్రగ్రహణం మే 5వ తేదీ రాత్రి 8.44 గంటలకు ప్రారంభమై అర్ధరాత్రి 1.02 గంటల వరకు ఉంటుంది. అంటే, ఈ చంద్రగ్రహణం వ్యవధి దాదాపు 4 గంటల 15 నిమిషాలు. అయితే, ఈ చంద్రగ్రహణం భారతదేశంలో కనిపించదు. కాబట్టి దాని సూతక్ కాలం ఇక్కడ చెల్లదు. అయితే, జ్యోతిష్య శాస్త్రం ప్రకారం, చంద్రగ్రహణం మొత్తం 12 రాశులను ప్రభావితం చేస్తుంది. వీటిలో ఈ చంద్రగ్రహణం 4 రాశులకు చాలా శుభ ఫలితాలను ఇస్తుంది.

మిథునం: మిథునరాశి వారికి కుటుంబ పరంగా చంద్రగ్రహణం శుభ ఫలితాలను ఇస్తుంది. మీ ఆర్థిక రంగం బలంగా ఉంటుంది. ధనం లాభదాయకంగా ఉంటుంది. కానీ, ఈ సమయంలో మీకు కావాల్సిన వారితో విభేదాలు వచ్చే అవకాశం ఉంది. అది మీపై భారంగా ఉండవచ్చు. కాబట్టి ఈ సమయంలో జాగ్రత్తగా ఉండడం చాలా మంచిది.

సింహం: సింహరాశి వారికి చంద్రగ్రహణం విజయవంతమవుతుంది. కెరీర్‌కు మంచి సమయం. ఉద్యోగ-వ్యాపారాలలో లాభం ఉంటుంది. ఎక్కడి నుండైనా హఠాత్తుగా డబ్బు వచ్చే అవకాశం కూడా ఉంటుంది. కుటుంబ సభ్యులతో సంబంధాలు మెరుగవుతాయి. కష్టపడి పనిచేయండి, మీరు ఖచ్చితంగా విజయం సాధిస్తారు.

కన్య: చంద్రగ్రహణం కన్య రాశి వారికి అనేక సమస్యలను పరిష్కరించగలదు. వ్యాపారులకు, ఈ సమయం భారీ లాభాలను తెస్తుంది. అదే సమయంలో, ఉద్యోగస్తుల జీవితాల్లో సానుకూల మార్పులు ఉంటాయి. కొత్త ఆస్తి-కారు కొనుగోలు చేయవచ్చు.

మకర: ఈ చంద్రగ్రహణం మకరరాశి వారి ఆర్థిక స్థితిని బలపరుస్తుంది. ఆగిపోయిన డబ్బు తిరిగి వస్తుంది. కొంతమందికి, ఈ సమయం ఆర్థిక పరిస్థితిలో కీలక మార్పులు తేనుంది. నిరుద్యోగులు లేదా కోరుకున్న ఉద్యోగం కోసం చూస్తున్న వ్యక్తులు శుభవార్త అందుకుంటారు.

(గమనిక: ఇక్కడ అందించిన సమాచారం నమ్మకాలు, ఇంటెర్నెట్ కథనాల మేరకు అందించాం. వీటిని విశ్వసించే ముందు నిపుణులను సంప్రదించడం చాలా మంచిది.)