Expensive Potato: ప్రపంచంలోనే అత్యంత ఖరీదైన బంగాళదుంప.. ధరలో బంగారంతో పోటీ.. పండిస్తే కోట్లకు అధిపతే..

World Most Expensive Potato: వెజిటేబుల్స్‌లో రారాజుగా పేరుగాంచిన వివిధ రకాల బంగాళాదుంపలు ఎన్నో ఉన్నాయి. అలాగే అత్యంత ఖరీదైన బంగాళదుంపలు కూడా ప్రపంచంలో ఉన్నాయి. అలాగే, ఈ బంగాళాదుంప అనేక వ్యాధులను నివారించడంలో సహాయపడుతుంది. దీని ధర చాలా ఎక్కువగా ఉంటుంది. ఇది అరుదైనది, పరిమిత సమయం వరకు మాత్రమే అందుబాటులో ఉంటుంది. ఇది పోషకాహారానికి కూడా ప్రసిద్ధి చెందింది.

బంగాళాదుంప ప్రపంచవ్యాప్తంగా అత్యంత ప్రజాదరణ పొందిన కూరగాయలలో ఒకటి. బంగాళదుంప దాదాపు ప్రతి ఇంట్లో ఉపయోగిస్తారు. అయితే, బంగారంతో సమానమైన బంగాళాదుంపలు ఉన్నాయని మీకు తెలుసా? ప్రపంచంలోని కొన్ని ప్రాంతాల్లో పండించే 'లే బోనేట్' అనే బంగాళదుంప ప్రపంచంలోనే అత్యంత ఖరీదైన బంగాళదుంప. దీని ధర చాలా ఎక్కువ. ఆ డబ్బుతో బంగారు ఆభరణాలు కొనుగోలు చేయవచ్చు. 'లే బోనేట్' బంగాళదుంప సాగు చాలా కష్టం. దాని దిగుబడి కూడా చాలా తక్కువ. అందుకే దీని ధర చాలా ఎక్కువ.

నిజానికి ఫ్రాన్స్‌లోని నార్మాండీ ప్రాంతంలో పండే 'లీ బోనేట్' బంగాళదుంప చాలా ప్రత్యేకమైనది. యంత్రాల బదులు చేతులతో తీస్తారు. ఇతర బంగాళదుంపల నుంచి ఈ బంగాళదుంపను విభిన్నంగా చేసే సాంప్రదాయ వ్యవసాయానికి ఇది గొప్ప ఉదాహరణ.

లే బోనెట్ బంగాళాదుంపలు వాటి మృదుత్వానికి మాత్రమే కాకుండా వాటి పోషక విలువలకు కూడా ప్రసిద్ధి చెందాయి. ఇందులో ఉండే వివిధ విటమిన్లు, మినరల్స్ ఇతర బంగాళదుంపల కంటే భిన్నంగా ఉంటాయి. దీని లేత గోధుమ రంగు, ప్రత్యేకమైన రుచి వంటలలో ప్రత్యేక స్థానాన్ని ఇస్తుంది. ముఖ్యంగా సుగంధ వంటకాల్లో దీన్ని ఉపయోగించడం వల్ల రుచి మరింత పెరుగుతుంది.

ఈ బంగాళదుంప పోషకాహార నిధి. ఫైబర్, ప్రోటీన్, వివిధ రకాల విటమిన్లు, ఐరన్, కాల్షియం, విటమిన్ సి, బి కాంప్లెక్స్ వంటి ఖనిజాలు ఇందులో పుష్కలంగా లభిస్తాయి. ఈ పోషకాలు శరీరాన్ని ఆరోగ్యంగా ఉంచడంలో, అనేక వ్యాధుల నుంచి రక్షించడంలో సహాయపడతాయి.

ఈ బంగాళదుంప రుచికరమైనది మాత్రమే కాదు. అధిక రక్తపోటు, అధిక కొలెస్ట్రాల్, మధుమేహం వంటి అనేక తీవ్రమైన వ్యాధులను నివారించడంలో కూడా సహాయపడుతుంది. ఈ బంగాళాదుంప దాని రుచికి మాత్రమే కాకుండా ఇది అరుదుగా కూడా ప్రసిద్ధి చెందింది.

ఏడాదిలో 10 రోజులు మాత్రమే అందుబాటులో ఉండటం మరింత ప్రత్యేకతను సంతరించుకుంది. ఇది కాకుండా, దీని తొక్క అనేక ఆరోగ్య ప్రయోజనాలతో నిండి ఉంది. కొన్ని మీడియా కథనాల ప్రకారం, ఒక కిలో ధర భారతీయ ధరలో దాదాపు రూ. 50 వేలుగా ఏంది. ఈ బంగాళాదుంప భారతదేశంలో చాలా అరుదు.

ఇది కేవలం 50 చదరపు మీటర్ల విస్తీర్ణంలో ఉన్న చిన్న పొలాలలో పెరుగుతుంది. సముద్రపు పాచిని సహజ ఎరువుగా ఉపయోగిస్తుంటారు. దాని సున్నితమైన స్వభావం కారణంగా చేతితో చాలా జాగ్రత్తగా తవ్వి తీస్తుంటారు. దీని తొక్కను కూడా తినవచ్చు. ఇది మాత్రమే కాదు, 10,000 టన్నుల బంగాళాదుంపలలో, కేవలం 100 టన్నులు మాత్రమే 'లే బోనాట్టే' రకం. ఇది మరింత అరుదుగా చేస్తుంది.

ఆసక్తికరమైన విషయం ఏంటంటే.. సోషల్ మీడియాలో ఈ బంగాళదుంప గురించి చర్చ జరుగుతుండగా, దాని ధరపైనా చాలా చర్చలు జరిగాయి. ఈ బంగాళదుంప ధరతో ఎలాంటి బంగారు ఆభరణాలైనా కొనుగోలు చేయవచ్చని కూడా చెబుతున్నారు. కానీ భారతదేశంలో దీనిని పెంచడం అసాధ్యం.