Indian Railways: రైల్వే స్టేషన్‌లోని పసుపు బోర్డుపై PH అని ఎందుకు రాస్తారు? దాని అర్థం ఏంటో తెలుసా?

Indian Railways: భారతీయ రైల్వేలు, యునైటెడ్ స్టేట్స్, చైనా, రష్యా తర్వాత ప్రపంచంలో నాల్గవ అతిపెద్ద నెట్‌వర్క్. ఇది దాదాపు 25 మిలియన్ల ప్రజలకు జీవనరేఖగా పేరుగాంచింది. భారతీయ రైల్వేపై ఎంతో మంది ఆధారపడి జీవిస్తున్నారనే విషయాన్ని పరిగణనలోకి తీసుకున్న రైల్వే శాఖ ప్రయాణికుల సౌకర్యార్థం అనేక చర్యలు చేపట్టి చర్యలు తీసుకుంటోంది.

రైల్వే స్టేషన్‌లో పసుపు బోర్డుపై 'PH' అని రాసి ఉండడం మీరు ఎప్పుడైనా చూశారా? అవును అయితే, అదేంటో తెలుసా? 'PH' అంటే 'ప్యాసింజర్ హాల్ట్'. రైలు ప్రయాణంలో ఇలాంటి ప్యాసింజర్ హాల్ట్ స్టేషన్లు మనకు కనిపిస్తాయి. ఈ స్టేషన్లు నిజానికి క్లాస్ 'డి' స్టేషన్ల కిందకు వస్తాయి. లూప్ లైన్, సిగ్నల్ లేకపోవడంతో ఈ స్టేషన్లలో సిబ్బందిని నియమించడం లేదు.

పేరు సూచించినట్లుగా, ఈ స్టేషన్లలో ప్యాసింజర్ రైళ్లు మాత్రమే ఆగుతాయి. కానీ, ప్యాసింజర్ రైలు లోకో పైలట్ ఇక్కడ నుంచే ఆపి స్టార్ట్ చేస్తాడు. లోకో పైలట్ సూచనల ప్రకారం, రైలు ఇక్కడ 2 నిమిషాలు ఆగుతుంది.

ఈ స్టేషన్‌లలో సిబ్బందిని నియమించలేదు. కాబట్టి, ఈ స్టేషన్‌లలో టిక్కెట్‌లను ఎవరు విక్రయిస్తారు అనే ప్రశ్న మీ మదిలో మెదులుతూ ఉంటుంది. రైల్వే శాఖ టిక్కెట్లు విక్రయించడానికి కాంట్రాక్ట్, కమీషన్ ప్రాతిపదికన స్థానిక వ్యక్తిని నియమిస్తుంది.

ఎక్కువ టిక్కెట్లు అమ్ముడయ్యాయని రైల్వే శాఖ గుర్తించినట్లయితే, ఈ స్టేషన్లలో టిక్కెట్ కౌంటర్లు, ప్లాట్‌ఫారమ్‌లు, ఫుట్ ఓవర్ బ్రిడ్జిలు వంటి కొన్ని సౌకర్యాలను కల్పిస్తుంది.