Viral Video: మెట్రో రైల్లో జంట పాడు పని.. వైరల్‌ అవుతోన్న వీడియో..

Viral Video: ఢిల్లీ మెట్రోకు సంబంధించి నిత్యం ఏదో ఒక వార్త నెట్టింట వైరల్ అవుతున్నాయి. ముఖ్యంగా మెట్రోలో ప్రయణిస్తున్న సమయంలో ప్రయాణికులు చేసే కొన్ని పనులు సోషల్‌ మీడియాలో ట్రెండ్‌ అవుతుంటాయి. కొందరు రీల్స్‌ చేస్తుంటే, మరికొందరు డ్యాన్స్‌లు చేస్తూ రచ్చ రచ్చ చేస్తున్నారు. అయితే తాజాగా ఢిల్లీ మెట్రోలో జరిగిన ఓ సంఘటన సోషల్‌ మీడియాలో తెగ వైరల్‌ అవుతోంది. ఈ వీడియోలో ఓ జంట చేసిన పనికి నెటిజన్లు దుమ్మొత్తి పోస్తున్నారు.

వివరాల్లోకి వెళితే.. ఢిల్లీ మెట్రోలో ఓ జంట్‌ ప్రయాణిస్తున్నారు. అయితే అదే సమయంలో ఆ జంట హద్దులు మీరింది. నాలుగు గోడల మధ్య చేయాల్సిన పనిని అందరి మధ్య చేశారు. మొదట ట్రైయిన్‌లో నిలబడ్డ ఈ జంట ఒకరిపై మరొకరు పడుతు హగ్‌ చేసుకున్నారు. అనంతరం సీటులో కూర్చున్న తర్వాత ఏకంగా ముద్దులు పెట్టుకుంటూ నానా రచ్చ చేశారు. అదే రైలులో ప్రయణిస్తున్న ఇతర ప్రయాణికుల ఈ తతంగాన్నంత సీక్రెట్‌గా కెమెరాలో రికార్డ్‌ చేశారు.

దీంతో ఈ వీడియోలు కాస్త బయటకు వచ్చాయి. ఢిల్లీ కనెక్షన్ పేరుతో ఉన్న ఇన్‌స్టాగ్రామ్‌ ఛానల్‌లో పోస్ట్ చేయగా వీడియో తెగ వైరల్‌ అవుతోంది. అయితే ఈ జంట మద్యం మత్తులో ఉందని తెలుస్తోంది. కాగా ఈ వీడియోను చూసిన నెటిజన్లు ఓ రేంజ్‌లో ఫైర్‌ అవుతున్నారు. అయితే ఈ వీడియోను కొందరు కావాలనే రికార్డ్‌ చేసినట్లు కనిపిస్తోంది. వీడియోలో ఉన్న అబ్బాయి కెమెరా చూస్తు కన్ను కొట్టడం చూస్తుంటే ఉద్దేశపూర్వకంగానే వ్యూస్‌ కోసం వీడియోను రూపొందించినట్లు తెలుస్తోంది. మరి ఈ వీడియోపై పోలీసులు ఎలా స్పందిస్తారో చూడాలి. ఏది ఏమైనా సోషల్‌ మీడియా విస్తృతి పెరిగిన తర్వాత ఎప్పుడు, ఎలాంటి సంఘటనలు చూడాల్సి వస్తుందో అని నెటిజన్లు అనుకునే పరిస్థితి వచ్చింది.