Viral Video: అరచేతిలో ప్రాణాలు అంటే ఇదే.. లైక్స్‌ కోసం ఏదైనా చేస్తారా.?

Viral Video: ఏమంటూ సోషల్‌ మీడియా విస్తృతి పెరిగిందో ప్రతీ ఒక్కరూ పాపులర్‌ అవ్వాలని అనుకుంటున్నారు. అయితే తమ ప్రతిభను చూపించి పాపులర్‌ అయ్యే వాళ్లు కొందరైతే ఏదో రకంగా పాపులర్‌ అవ్వాలని అనుకునే వారి సంఖ్య క్రమంగా పెరుగుతోంది. ఏదో ఒకటి చేసి నెట్టింట వైరల్‌ అవ్వాలి. లైక్‌లు, సబ్‌స్క్రైబర్లను పెంచుకోవాలని ఇప్పుడు ఇదే ట్రెండ్.

ఎదుటి వారిని ఆకర్షించే క్రమంలో తమ ప్రాణాలనే పణంగా పెడుతున్నారు కొందరు. తాజాగా పుణెకు చెందిన యువతీ, యువకుడు చేసిన పనిపై నెటిజన్లు విరుచుకుపడుతున్నారు. లైక్స్‌ కోసం మరి ఇంత అవసరమా అంటూ ఘాటూగానే స్పందిస్తున్నారు. వివరాల్లోకి వెళితే.. పుణెకు చెందిన ఓ యువతి, యువకుడు డేంజర్‌ స్టంట్ చేశారు. గ్రిప్‌ స్ట్రెంగ్త్‌ చెక్‌ పేరుతో పెద్ద సాహసం చేశారు. ముందుగా కొండపై ఉన్న ఓ పాత భవనంపైకి చేరుకున్నారు.

అనంతరం యువతి గోడ నుంచి కిందికి జారిగింది. గోడపై ఉన్న యువకుడు యువతిని ఒంటి చేత్తో పట్టుకున్నాడు. అచ్చంగా సినిమాల్లో కొండపై నుంచి పడిపోతున్న హీరోయిన్‌ను పట్టుకున్నట్లు. ఇదంతా అక్కడే ఉన్న కొందరు వీడియో చిత్రీకరించారు. అనంతరం ఈ వీడియోను సోషల్‌ మీడియాలో పోస్ట్‌ చేశారు. ఇంకేముంది క్షణాల్లో వీడియో నెట్టింట వైరల్‌గా మారింది. అయితే ఇది చూసిన నెటిజన్లు ప్రశంసించడం పక్కనపెట్టి చివాట్లు పెడుతున్నారు.

లైక్స్‌ కోసం ప్రాణాల మీదికి తెచ్చుకుంటారా.? అంటూ కామెంట్స్‌ చేస్తున్నారు. ఒక మరికొందరైతే ఏకంగా పోలీసులు వీరిపై వెంటనే చర్యలు తీసుకోవాలని డిమాండ్‌ చేస్తూ కామెంట్స్ చేస్తున్నారు. దీని దీనిపై పుణె పోలీసులు ఏ విధంగా స్పందిస్తారో చూడాలి. లైక్స్‌ కోసం ఇలాంటి సాహసాలు చేసి ప్రాణాలు కోల్పోయిన ఉదాంతాలు ఇప్పటికే చాలా జరిగాయి. ఇన్ని జరుగుతున్నా కొందరిలో మాత్రం మార్పు రావడం లేదు.