Train Headlight: ట్రైన్ హెడ్‌లైట్‌లో ఎన్ని బల్బులు ఉంటాయి.. ఎంతదూరం కనిపిస్తుందో తెలుసా?

Indian Railway Locomotive Headlight: బైక్ లేదా కారు హెడ్‌లైట్‌ని చూసే ఉంటారు. అయితే, రైలులోని హెడ్‌లైట్ గురించి మీరెప్పుడైనా ఆలోచించారా? మీరు ఎప్పుడైనా దాన్ని దగ్గరగా చూశారా? అది లేకుండా మీ రైలు రాత్రిపూట ముందుకు సాగదు. ఒక్కో రైలులో హెడ్‌లైట్ ఒక్కోలా ఉంటుంది. దీనికి సంబంధించి అనేక వాస్తవాలు ఉన్నాయి. ఇప్పటికీ చాలా మందికి తెలియదు. ఇటువంటి పరిస్థితిలో మనం రైలులో అమర్చిన హెడ్ లైట్ గురించి తెలుసుకుందాం..

లోకోమోటివ్‌లో మూడు రకాల లైట్లు..

రైల్వే నుంచి అందిన సమాచారం ప్రకారం రైలు ఇంజిన్‌లో మూడు రకాల లైట్లు ఉన్నాయి. అందులో ఒకటి దారిని చూపించేందుకు నిర్దేశించింది. అంటే, మెయిన్‌ హెడ్‌లైట్, మిగిలిన రెండు లైట్లు ఒకటి తెలుపు, మరొకటి ఎరుపు రంగులో ఉంటాయి. ఈ లైట్లను లోకోమోటివ్ సూచికలు అంటారు. అంతకుముందు లోకోమోటివ్ పైన హెడ్‌లైట్‌ను అమర్చారు. అయితే, ఇప్పుడు కొత్త ఇంజన్లలో హెడ్‌లైట్‌ను మధ్యలోకి మార్చారు.

ఎంత దూరం కనిపిస్తుంది?

రైలు ఇంజిన్‌లో అమర్చిన హెడ్‌లైట్ 24వోల్ట్ డీసీ కరెంట్‌తో పనిచేస్తుంది. దీని వెలుగు దాదాపు 350-400 మీటర్ల దూరం వరకు వస్తుంది. ఈ శక్తివంతమైన హెడ్‌లైట్ కారణంగా, లోకో పైలట్ రాత్రి సమయంలో కొంత దూరం వరకు రైల్వే ట్రాక్‌ను చాలా స్పష్టంగా చూడగలడు.

రెండు బల్బ్‌ల సిద్ధాంతం..

రైలు హెడ్‌లైట్‌లో ఎన్ని బల్బులు ఉన్నాయో తెలుసా?

రైలు హెడ్‌లైట్‌లో రెండు బల్బులు వినియోగిస్తారని మీకు తెలుసా? ఇందులో ఎలక్ట్రిక్ ఇంజినీరింగ్‌లో ముఖ్యమైన విషయం ఏమిటంటే, ఈ రెండు బల్బులు సమాంతరంగా అనుసంధానించబడి ఉంటాయి. తద్వారా దారిలో ఒక బల్బు చెడిపోయినా మరో బల్బు సాయంతో దారి చూడొచ్చు. అంటే రాత్రి వేళల్లో రైలు ఆపరేషన్‌పై ప్రభావం పడకూడదు.

షట్టింగ్ కోసం వెళ్లేందుకు..

రైలు ఇంజిన్‌లో హెడ్‌లైట్‌తో పాటు, ఎరుపు, తెలుపు రంగుల రెండు లైట్లను ఒకేసారి అమర్చారు. ఇంజిన్‌ను షంటింగ్ కోసం రివర్స్ దిశలో నడపవలసి వచ్చినప్పుడు, ఆ సమయంలో రెడ్ లైట్ ఆన్ చేస్తారు. దీంతో రైలు ఇంజిన్‌ షంటింగ్‌ కోసం వ్యతిరేక దిశలో వెళుతున్నట్లు రైల్వే సిబ్బందికి తెలుస్తుంది. ఇందులో, ఇంజిన్ షంటింగ్ కోసం ముందుకు వెళ్ళినప్పుడు, దానిపై తెల్లటి రంగు లైట్ ఆన్ చేస్తారు.