Viral: శృంగారం కోసం పాటల పోటీ, నచ్చకపోతే మరణ శిక్షే.. ఈ కప్పల తీరే వెరైటీ.. !
![](/images/authorplaceholder.jpg?type=1&v=2)
![Female Frogs From Australia Eat up Male Frogs if They Don Female Frogs From Australia Eat up Male Frogs if They Don](https://assets.hmtvlive.com/h-upload/2024/07/18/377666-frog.webp)
ఇమేజ్ క్రెడిట్ (డాక్టర్ జాన్ బౌల్డ్)
Viral: ఈ సృష్టిలో ఇప్పటికీ మానవుడికి తెలియని ఎన్నో వింతలు ఉన్నాయి.
Viral: ఈ సృష్టిలో ఇప్పటికీ మానవుడికి తెలియని ఎన్నో వింతలు ఉన్నాయి. ప్రదేశాలు మొదలు, జంతు జాతుల వరకు ఇంకా వెలుగులోకి రాని ఎన్నో నిజాలు, వింతలు ఉన్నాయి. వీటి అన్వేషణ కోసం పరిశోధకులు కృషి చేస్తూనే ఉన్నారు. ఈ క్రమంలోనే తాజాగా ఆస్ట్రేలియాకు చెందిన పరిశోధకులు ఓ వింత విషయాన్ని కనుగొన్నారు. ఓ ఆడజాతి కప్ప జీవనశైలికి సంబంధించి ఆసక్తికర విషయాలు వెలుగులోకి వచ్చాయి.
వివరాల్లోకి వెళితే.. ఆస్ట్రేలియాలోని సిడ్నీ నగరానికి ఉత్తరంగా ఉండే కూరగాంగ్ ద్వీపంలోని అడవుల్లో విచిత్రమైన ఆడ కప్ప వివరాలను పరిశోధకులు గుర్తించారు. ఈ జాతిలోని ఆడ కప్పలు ఆకుపచ్చ రంగులో, మగ కప్పలు బంగారు వర్ణంలో మెరిసిపోతూ ఉంటాయి. అయితే సహజకార్యమైన శృంగారం కోసం ఈ ఆడజాతి కప్పలు వినూత్న మార్గాన్ని ఎంచుకున్నాయి. విచిత్రమనే కంటే భయంకరమని చెప్పాలి. ఎందుకనేగా మీ సందేహం.
సంతానోత్పత్తిని పెంపొందించుకునేందుకు గాను ఆడ కప్పలు.. మగ కప్పల కోసం వెతుకుతుంటాయి. ఈ క్రమంలోనే తమకు కావాల్సిన మగ కప్పను వెతుక్కోవడానికి ఒక పాటల పోటీని ఏర్పాటు చేస్తారు. ఇందులో తమకు నచ్చినట్లు పాటలు పాడిన మగ కప్పను మెచ్చి శృంగారంలో పాల్గొంటాయి. ఒకవేళ ఆ మగ కప్ప పాట నచ్చలేదో ఇక అంతే సంగతులు, దాన్ని అమాంతం నోటితో నమిలి మింగేస్తుంది. అందుకే ఈ జాతి ఆడ కప్పలను ప్రపంచంలోనే అత్యంత ప్రమాదకరమైన కప్పగా ఈ పరిశోధనకు నేతృత్వం వహించిన న్యూకాజిల్ యూనివర్సిటీకి చెందిన జీవావరణ శాస్త్రజ్ఞుడు డాక్టర్ జాన్ బౌల్డ్ తెలిపారు.
ఇంతకీ పరిశోధకులు ఈ విషయాన్ని ఎలా కనిపెట్టారంటే. కూరగాంగ్ ద్వీపంలోని అడవుల్లో మాత్రమే కనిపించే ఈ అరుదైన కప్ప జాతి ఆడ కప్పల సంతతి ఎక్కువ ఉన్నా, మగ కప్పల జనాభా మాత్రం క్రమంగా తగ్గుతూ వస్తోంది. దీంతో అసలు ఏం జరుగుతోందన్న దానిపై పరిశోధకులు నిఘా పెట్టారు. ఈ క్రమంలోనే అసలు విషయం బయటపడింది. మగ కప్పల కంటే ఆడకప్పల శరీరం, నోరు పెద్దదిగా ఉండడంతో ఇలా సులభంగా మింగేస్తున్నాయని పరిశోధకులు చెబుతున్నారు.
![](/images/logo.png)
About
![footer-logo](/images/logo.png)
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire