Viral Video: పాముకు స్నానం చేపించడం ఏంటి తల్లి.. వీడియో చూస్తే వెన్నులో వణుకు ఖాయం..!

Viral Video: పామును ఊహించుకుంటేనే ఏదో తెలియని భయం వెంటాడుతుంది. అలాంటి పామును ప్రత్యక్షంగా చూస్తే ఇంకా ఏమైనా ఉందా.. తుర్రుమని అక్కడి నుంచి పారిపోతాం. అలాంటి పామును చేత్తో పట్టుకుంటే ఎలా ఉంటుంది.? ఎంచక్కా పాముకు స్నానం చేపిస్తే ఎలా ఉంటుంది.? ఏంటి ఊహించుకోవడానికే షాకింగ్‌గా ఉంది కదూ! కానీ ఓ మహిళ మాత్రం ఎంచక్కా చట్టి బిడ్డకు స్నానం చేపించినట్లు పాముకు స్నానం చేపిస్తోంది.

సాధారణంగా ఇంట్లో శునకాలను, పిల్లులను, మేకలను పెంచుకుంటామని అందరికీ తెలిసిందే. అయితే పామును పెంచుకుంటే ఎలా ఉంటుంది.? ఊహించుకోవడానికే వింతంగా ఉంది కదూ! కానీ ఓ మహిళ మాత్రం పామును పెంచుకుంటోంది. ఇందులో భాగంగానే ఆ పాముకు ఎంచక్కా స్నానం చేయించింది. ఒక గిన్నెలో కొన్ని నీటిని తీసుకుంది. అనంతరం అందులో ఒక పామును ఉంచింది.

నీళ్లలో పామును ముంచుతూ చిన్న పిల్లలకు తలంటినట్లు స్నానం చేయించింది. అంతేకాదండోయ్‌ పాముకు ఏకంగా సబ్బు కూడా పెడుతోంది. దీనంతటినీ వీడియో తీసి సోషల్‌ మీడియాలో పోస్ట్‌ చేయగా. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది. ఈ వీడియో చూసిన నెటిజన్లు షాక్‌ అవుతున్నారు. అసలు ఇంత గుండె ధైర్యం ఏంటి తల్లి నీకు. అంటూ కామెంట్స్‌ చేస్తున్నారు. ఇక మరికొందరు మాత్రం ఆ మహిళ కుటుంబం పాములను ఆడిపించే వారు కావొచ్చు.. అందుకే ఇలా పాములను అంత ధైర్యంగా పట్టుకుంటోంది అని కామెంట్స్‌ చేస్తున్నారు. ఏది ఏమైనా ఇప్పుడీ వీడియో నెట్టింట తెగ ట్రెండ్‌ అవుతోంది.