Viral Video: కొండతవ్వుతుండగా బయటపడ్డ కుండ.. పగలగొట్టి చూడగా జిగేల్‌..!

Viral Video: పలానా వారు పాత ఇంటిని కూల్చేస్తుంటే ఏదో నిధి దొరికిందంటా.. ఓ వ్యక్తి పొలం దున్నుతుంటే లంకె బిందలు లభించాయంటా.. ఇలాంటి వార్తలు నిత్యం మనం వినే ఉంటాం. అయితే వీటిలో ఎంత వరకు నిజం ఉంటుందో లేదో తెలియదు. కానీ వినడానికి భలే ఉంటాయి కదూ! గుప్త నిధుల కోసం కొందరు అక్రమంగా తవ్వకాలు కూడా చేపడుతుంటారు.

అయితే గుప్త నిధుల చుట్టూ ఆత్మలు ఉంటాయని, వాటిని తీసుకోవడానికి ప్రయత్నిస్తే ప్రాణాలు పోతాయంటూ పుకార్లు షికార్లు చేస్తుండడం సర్వసాధారణం. అయితే తాజాగా నెట్టింట వైరల్ అవుతోన్న ఓ వీడియో నిజంగానే గుప్త నిధులు ఉంటాయా.? అన్న ప్రశ్నకు బలాన్ని చేకూర్చేలా ఉంది. వివరాల్లోకి వెళితే.. ఓ వ్యక్తి కొండపై ఉన్న రాళ్లను పగలగొడుతున్నాడు.

అదే సమయంలో ఓ కుండ ప్రత్యక్షమైంది. వెంటనే తన చేతిలో ఉన్న సుత్తెతో కుండను పగలగొట్టాడు. అయితే ఆ కుండలో పురాతన కాలానికి చెదిన బంగారు నగలు కనిపించాయి. దీనంతటినీ అక్కడే ఉన్న వారు వీడియో తీసి సోషల్‌ మీడియాలో పోస్ట్‌ చేశారు. ఇంకేముంది క్షణాల్లో వీడియో నెట్టింట వైరల్‌ అవుతోంది. ఈ వీడియో చూసిన కొందరు నెటిజన్లు.. ఇదేదో పక్క ప్లానింగ్‌లా కనిపిస్తోంది. కావాలనే ఇలా కుండలో నగలు పెట్టి వీడియో తీశారంటూ కొందరు స్పందిస్తుంటే. ఇది నిజంగానే అద్భుతమంటూ మరికొందరు భావిస్తున్నారు. ఏది ఏమైనా ఇప్పుడీ వీడియో సోషల్‌ మీడియాలో తెగ ట్రెండ్‌ అవుతోంది.