CM ‎KCR: ఇవాళ మహారాష్ట్రకు సీఎం కేసీఆర్..

CM ‎KCR: ఇవాళ సీఎం కేసీఆర్ మహారాష్ట్ర పర్యటనకు వెళ్లనున్నారు. భారతీయ రాష్ట్ర సమితిని విస్తరించే క్రమంలో మహారాష్ట్రలో పట్టు సంపాదించుకునే ప్రయత్నం చేస్తున్నారు. ఇవాళ సాంగ్లేలో రాజకీయ సభ జరుగనుంది. కొల్లాపూర్ అంబబాయి అమ్మవారిని దర్శించుకుని రాజకీయ సంబంధ కార్యక్రమాల్లో పాల్గొంటారు.

ఈరోజు ఉదయం 10గంటల30నిమిషాలకు బేగంపేట్ ఎయిర్‌పోర్ట్‌ చేరుకుని ప్రత్యేక హెలికాప్టర్లో బయలుదేరుతారు. ఉ.11.15కి కొల్లాపూర్‌ చేరుకుంటారు. 11.45కి అంబబాయి అమ్మవారిని దర్శించుకున్న తర్వాత... మరాఠా బడుగుజీవుల స్వాతంత్ర్యంకోసం పోరాటిన యోధుడు అన్నాభావ్ సాటే విగ్రహానికి నివాళులు అర్పిస్తారు. అక్కడినుంచి అన్నాభావే సాటే ఇంటికి చేరుకుని వారి సంబంధీకులతో ముచ్చటిస్తారు.

మ.1.30కు ఇస్లాంపూర్‌లోని రఘునాథ్ దాదా పాటిల్ ఇంట్లో మధ్యాహ్నభోజనం చేస్తారు. రాజకీయ సంబంధ కార్యక్రమాల్లో పాలుపంచుకుని భారతీయ రాష్ట్ర సమితి పార్టీలో చేరేవారికి కండువాకప్పి పార్టీలోకి ఆహ్వానిస్తారు. అక్కడినుంచి సా.5 గంటలకు హైదరాబాద్‌కు తిరుగు పయనమవుతారు.