The Sabarmati Report: నిజం బయటికొస్తోందని మోదీ మెచ్చుకున్న ఆ సినిమా ఏంటో తెలుసా?

PM Modi praised The Sabarmati Report Movie : ప్రధాని నరేంద్ర మోదీ ఇటీవలె రిలీజైన ది సబర్మతి రిపోర్ట్ మూవీపై ప్రశంసల జల్లు కురిపించారు. పొలిటికల్ డ్రామా బ్యాక్‌డ్రాప్‌తో విక్రాంత్ మాస్సీ, రాశి ఖన్నా, రిధి డోగ్రా ప్రధాన పాత్రల్లో తెరకెక్కిన సినిమా తి సబర్మతి రిపోర్ట్. అవినాష్, అర్జున్ కలిసి రచించిన ఈ సినిమాను రంజన్ చండేల్, ధీరజ్ సర్నా డైరెక్ట్ చేశారు. 2002 నాటి గోధ్రా అల్లర్లకు దారితీసిన పరిస్థితులను వివరిస్తూ ఈ సినిమాను తెరకెక్కించారు.

ఈ సినిమాకు ఐఎండీబీ 10 కి 8.1 రేటింగ్ (The Sabarmati Report IMDB rating) ఇచ్చింది. తాజాగా ఈ సినిమా గురించి అలోక్ భట్ ట్వీట్ చేస్తూ అందులో ప్రధాని మోదీ ట్యాగ్ చేశారు. ఆ ట్వీట్ ను ప్రధాని మోదీ రిట్వీట్ చేస్తూ ప్రశంసలు గుప్పించారు.

గోద్రా అల్లర్ల కేసులో బీజేపిపై, అప్పట్లో ఆ రాష్ట్ర ముఖ్యమంత్రిగా ఉన్న నరేంద్ర మోదీపై తీవ్ర విమర్శలు వెల్లువెత్తాయి. తాజాగా వచ్చిన ది సబర్మతి రిపోర్ట్ సినిమాతో అసలు నిజం ఏంటో బయటికొస్తోందని ప్రధాని మోదీ అన్నారు. కనీసం ఈ విధంగానైనా నిజం ఏంటో అందరికీ తెలిసే అవకాశం లభించిందని ప్రధాని మోదీ కామెంట్ చేశారు. అంతేకాదు.. తప్పుడు కథనాలు ఎప్పుడైనా తాత్కాలికమే. కానీ ఏదో ఓ రోజు నిజం బయటికొస్తుంది అని ప్రధాని అభిప్రాయపడ్డారు.