ప్రమాదవశాత్తూ బాంబు పేలి మావోయిస్టు కీలక సభ్యుడి మృతి... ఏడాదిన్నర తర్వాత..

Maoist Ravi: మావోయిస్టు కేంద్ర కమిటీ సభ్యుడు రవి మృతి చెందినట్లు తెలుస్తోంది. రవి చనిపోయిన ఏడిదిన్నర తర్వాత మావోయిస్టు కేంద్ర కమిటీ ప్రకటన విడుదల చేసింది. గత ఏడాది జూన్ 25వ తేదీన బాణం బాంబులను పరీక్షిస్తున్న సమయంలో ప్రమాదం జరిగిందని తెలియజేసింది. ఆ మరుసటి రోజే విప్లవ లాంఛ‌నాలతో రవి అంత్యక్రియలు నిర్వహించినట్లు మావోయిస్టు పార్టీ కేంద్రం కమిటి నాయకులు విడుదల చేసిన లేఖలో పేర్కొన్నారు.

ఎన్నడూ లేని విధంగా మావోయిస్టు నాయకుడి మృతిని ఏడాదిన్నర ఆలస్యంగా ఆ పార్టీ అధికారికంగా ప్రకటించడం గమనార్హం. రవి జార్ఖండ్‌లో మృతి చెందినట్లు వెల్లడించింది. కమ్యూనికేషన్స్‌తోపాటుగా ఎలక్ట్రానిక్‌ డివైస్‌లు తయారు చేయడంలో రవి దిట్ట. ముఖ్యంగా మావోయిస్టు టెక్నికల్‌ టీమ్‌లో రవి కీలక సభ్యుడిగా కొనసాగారు.