పోలీసుల‌పై ఉమ్మేసిన కాంగ్రెస్ నేత నెట్టా డిసౌజా

Netta D'Souza: ఢిల్లీలో కాంగ్రెస్ పార్టీ చేపట్టిన సత్యాగ్రహ దీక్ష రణరంగంగా మారింది. మహిళా కాంగ్రెస్ యాక్టింగ్ ప్రెసిడెంట్ నెట్టా డిసౌజా పోలీస్ సిబ్బందిపై ఉమ్మివేశారు. నేషనల్ హెరాల్డ్ కేసులో కాంగ్రెస్ అగ్రనేత రాహుల్ గాంధీని ED దర్యాప్తును నిరసిస్తూ ఢిల్లీలో కాంగ్రెస్ ఆందోళన నిర్వహించింది. ఈ నేపథ్యంలో డిసౌజాతోపాటు పలువురు కాంగ్రెస్ నాయకులను పోలీసులు అదుపులోకి తీసుకున్నారు. ఈ సందర్భంగా ఆమె పోలీసులతో వాగ్వాదానికి దిగడంతోపాటు ఉమ్మివేయడం తీవ్ర కలకలం రేపుతోంది. ఈ వీడియో ప్రస్తుతం సోషల్ మీడియాలో వైరల్ అవుతోంది.