కాసేపట్లో భారత్, చైనా అధికారుల భేటీ.. కేంద్రం నుంచి ప్రతినిధి..

Highlights

నిర్వహించనున్నాయి. భారతదేశం యొక్క చర్చల శక్తిని బలోపేతం చేసే చర్యగా కేంద్రం నుండి ఒక ప్రతినిధి కూడా సమావేశంలో పాల్గొంటారు.. ప్రభుత్వం నుంచి ప్రతినిధి పాల్గొనడం ఇదే మొదటిసారి..

తూర్పు లడఖ్‌లోని లైన్ ఆఫ్ యాక్చువల్ కంట్రోల్ (ఎల్‌ఐసి) వెంట కొనసాగుతున్న ప్రతిష్టంభనపై భారత్, చైనా అధికారులు భేటీ కానున్నారు. రెండు దేశాలు సోమవారం ఉదయం 9 గంటలకు మోల్డోలో కార్ప్స్ కమాండర్ స్థాయి సమావేశం నిర్వహించనున్నాయి. భారతదేశం యొక్క చర్చల శక్తిని బలోపేతం చేసే చర్యగా కేంద్రం నుండి ఒక ప్రతినిధి కూడా సమావేశంలో పాల్గొంటారు.. ప్రభుత్వం నుంచి ప్రతినిధి పాల్గొనడం ఇదే మొదటిసారి.

ఈ సమావేశానికి 14 కార్ప్స్ లెఫ్టినెంట్ జనరల్ హరీందర్ సింగ్ నాయకత్వం వహించగా, చైనాకు పిఎల్‌ఎ మేజర్ జనరల్ లిన్ లియు ప్రాతినిధ్యం వహిస్తారు. భారత ప్రతినిధి బృందంలోని ఇతర సభ్యులలో విదేశాంగ మంత్రిత్వ శాఖ (ఎంఇఎ) జాయింట్ సెక్రటరీ నవీన్ శ్రీవాస్తవ తోపాటు మేజర్ జనరల్ అభిజీత్ బాపాట్, మేజ్ జనరల్ పదమ్ శేఖవత్ ఉన్నారు. ఇండో-టిబెటన్ బోర్డర్ పోలీస్ (ఐటిబిపి) ఇన్స్పెక్టర్ జనరల్ దీపం సేథ్ కూడా భారత సైన్యంలోని నలుగురు బ్రిగేడియర్లతో పాటు ఈ సమావేశంలో పాల్గొంటారు.