12 రాష్ట్రాల్లో 15 వేల మంది డ్రైవర్లపై చేసిన సర్వే.. షాకింగ్ విషయాలు

డ్రైవర్ కంటి చూపు బలహీనంగా ఉంటే, ప్రమాదాలు జరిగే అవకాశం ఎక్కువగా ఉంటుంది. దేశంలోని 12 రాష్ట్రాల్లో 15 వేల మంది డ్రైవర్లపై చేసిన సర్వేలో షాకింగ్ విషయాలను వెల్లడించింది. 'మిషన్ ఫర్ విజన్' అనే ఎన్జీఓ నిర్వహించిన సర్వే ప్రకారం దేశంలో 40 శాతం మంది డ్రైవర్లకు మంచి కంటి చూపు లేదని.. ఇది 81 శాతం వరకు రోడ్డు ప్రమాదాలకు కారణమవుతుందని వెల్లడించింది.

దేశంలో కంటి కాంతికి మరియు డ్రైవింగ్‌కు మధ్య ఉన్న సంబంధాన్ని వివరించడానికి పలు స్వచ్ఛంద సంస్థలు వర్చువల్ అంతర్జాతీయ సమావేశాన్ని నిర్వహించాయి. ఇందులో వివిధ సంస్థలు తమ అభిప్రాయాన్ని వ్యక్తం చేశాయి. 2019 -2020 మధ్య 'మిషన్ ఫర్ విజన్' సర్వే నిర్వహించినట్లు ఎన్జీఓ అధిపతి సబిత్రా కుండు చెప్పారు. దేశంలో అంధత్వాన్ని అంతం చేయడానికి ఈ ఎన్జీఓ పనిచేస్తుందని ఆయన అన్నారు. తమ సర్వే ప్రకారం దేశంలో ఎక్కువ రోడ్డు ప్రమాదాలు డ్రైవర్ల కంటి కాంతి తగ్గడంతోనే జరుగుతున్నాయని అధ్యయనంలో తేలిందని అన్నారు..

దేశంలో 30 వేల ట్రక్కు డ్రైవర్లలో.. 68 శాతం మందికి కంటి పరీక్ష చేయలేదని పరిశోధనలో తేలిందని.. వీటిలో 60 శాతం మంది డ్రైవర్లకు అద్దాలు అవసరం అని అన్నారు. దేశంలో 80% రోడ్డు ప్రమాదాలు డ్రైవర్ కంటి సమస్యల వల్ల జరుగుతున్నాయి.. ఇందులో 26 శాతం వాణిజ్య వాహనాలను నడిపే డ్రైవర్లు ఉన్నారు. ప్రతి నలుగురు డ్రైవర్లలో ఒకరు 20 నుండి 30 మీటర్ల దూరంలో ఉన్న సైన్ బోర్డును చూడలేకపోతున్నారని అన్నారు.

2018 లో ప్రపంచవ్యాప్తంగా 10.35 లక్షల మంది రోడ్డు ప్రమాదంలో మరణించారని, 5 కోట్ల మంది గాయపడ్డారని విజన్ ఇంపాక్ట్ ఇన్స్టిట్యూట్ మేనేజర్ క్రిస్టెన్ గ్రాస్ చెప్పారు. వీరిలో 90 శాతం మంది తక్కువ ఆదాయం ఉన్నవారున్నారు.. అని అన్నారు. ప్రపంచంలోని మొత్తం వాహనాల్లో 1 శాతం భారతదేశంలోనే ఉన్నాయని ప్రపంచ ఆరోగ్య సంస్థ నివేదిక పేర్కొంది. ప్రపంచవ్యాప్తంగా రోడ్డు ప్రమాద కేసులు ఆరుశాతం భారతదేశంలో ఉన్నాయని పేర్కొన్న సంగతి తెలిసిందే.