Tamil Nadu: తమిళనాడులో కల్తీ మద్యం ఘటన..25కు చేరిన మృతుల సంఖ్య.!

Tamil Nadu: తమిళనాడులోని కళ్లకురిచి జిల్లాలో కల్తీ మద్యం తాగి 25 మంది చనిపోయారు. దీనికి సంబంధించి 49 ఏళ్ల కె. కన్నుకుట్టి (అక్రమ మద్యం విక్రయదారుడు)ని అరెస్టు చేయగా, అతడి నుంచి స్వాధీనం చేసుకున్న సుమారు 200 లీటర్ల కల్తీ మద్యంలో ప్రాణాంతకమైన 'మీథేన్' ఉన్నట్లు విచారణలో తేలింది. నిందితుడిని అరెస్ట్ చేశామని, సంబంధిత అధికారులపై కూడా చర్యలు తీసుకున్నామని ముఖ్యమంత్రి ఎంకే స్టాలిన్ చెప్పారు.

ఈ ఘటనపై సమగ్ర దర్యాప్తు కోసం సిబి-సిఐడి దర్యాప్తునకు సీఎం ఎంకె స్టాలిన్ ఆదేశించినట్లు ఒక ప్రకటనలో తెలిపారు. ఈ ఘటన తర్వాత కల్లకురిచి జిల్లా మేజిస్ట్రేట్ శ్రవణ్ కుమార్ జాతావతాను ప్రభుత్వం బదిలీ చేయగా, సూపరింటెండెంట్ ఆఫ్ పోలీస్ సమయ్ సింగ్ మీనాను సస్పెండ్ చేసింది. కళ్లకురిచ్చి జిల్లా ప్రొహిబిషన్ బ్రాంచ్‌తో సహా మరో తొమ్మిది మంది పోలీసులను కూడా సస్పెండ్ చేశారు. ప్రతిపక్ష నేత ఎడప్పాడి కె. పళనిస్వామి స్థానిక వార్తలను ఉటంకిస్తూ, కల్తీ మద్యం సేవించి దాదాపు 40 మంది ఆసుపత్రిలో చేరారని తెలిపారు. డీఎంకే ప్రభుత్వం అధికారంలోకి వచ్చినప్పటి నుంచి కల్తీ మద్యం వల్ల మరణాలు చోటుచేసుకుంటున్నాయని ఫైర్ అయ్యారు. అసెంబ్లీలో కూడా ఈ అంశాన్ని లేవనెత్తుతూ చర్యలు తీసుకోవాలని డిమాండ్‌ చేశారు.

ఈ అంశంపై రాష్ట్ర ప్రభుత్వం కఠిన చర్యలు తీసుకోవాలని పళనిస్వామి డిమాండ్ చేశారు. ప్రభుత్వం తెలిపిన వివరాల ప్రకారం.. వాంతులు, కడుపునొప్పితో 20 మందికి పైగా కళ్లకురిచ్చి మెడికల్ కాలేజీలో చేరారు. ప్రభుత్వం తెలిపిన వివరాల ప్రకారం.. పోలీసులు, దేవాదాయ శాఖ అధికారుల విచారణ ఆధారంగా వీరంతా కల్తీ మద్యం సేవించారని తెలిపారు. విల్లుపురం, తిరువణ్ణామలై సేలం నుండి ప్రభుత్వ వైద్యుల ప్రత్యేక బృందాలను చికిత్సలో సహాయం చేయడానికి కళ్లకురిచికి పంపారు.

ఈ ఘటనపై సీఎం స్టాలిన్ సీరియస్ అయ్యారు. ప్రస్తుత పరిస్ధితులను పర్యవేక్షించాలని ఆరోగ్య శాఖ సీనియర్ అధికారిని కూడా నియమించారు. ప్రత్యేక చికిత్స కోసం కనీసం 18 మందిని పుదుచ్చేరి జిప్మర్ ఆసుపత్రికి, మరో ఆరుగురిని సేలం ప్రభుత్వ ఆసుపత్రికి తీసుకెళ్లాలని సూచించారు. కళ్లకురిచ్చి ప్రభుత్వాసుపత్రిలో 12 అంబులెన్స్‌లను ఏర్పాటు చేశారు. బాధిత కుటుంబాలను అన్ని విధాలా ఆదుకునేందుకు స్టాలిన్ సీనియర్ మంత్రులు,ఇవి వేలు, ఎంఎ సుబ్రమణ్యంలను కళ్లకురిచ్చి పంపారు. కళ్లకురిచి జిల్లా కొత్త జిల్లా మేజిస్ట్రేట్‌గా ఎంఎస్ ప్రశాంత్, సూపరింటెండెంట్ ఆఫ్ పోలీస్‌గా రజత్ చతుర్వేది నియమితులయ్యారు. తమిళనాడు గవర్నర్ ఆర్‌ఎన్ రవి సంతాపం వ్యక్తం చేస్తూ ఆందోళణ వ్యక్తం చేశారు.