Chandrayaan 3: చంద్రుడికి చేరువుగా చంద్రయాన్-3.. ఆగస్ట్ 23న ల్యాండింగ్..!

Chandrayaan 3 Moon Landing: చంద్రయాన్-3 కక్ష్యను ఇస్రో మూడోసారి నిన్న అంటే ఆగస్టు 14న తగ్గించింది. ఇప్పుడు చంద్రయాన్ 150 కి.మీ x 177 కి.మీ కక్ష్యలోకి వచ్చింది. అంటే, చంద్రయాన్-3 చంద్రుని కక్ష్యలో తిరుగుతోంది. దీనిలో చంద్రుని నుంచి దాని కనిష్ట దూరం 150 కి.మీ. గరిష్ట దూరం 177 కి.మీ.లుగా నిలిచింది. కక్ష్యను తగ్గించడానికి వాహనం ఇంజిన్‌లు క్లుప్తంగా ఆన్ చేశారు.

ఇప్పుడు చంద్రయాన్ కక్ష్య సర్క్యులరైజేషన్ దశ ప్రారంభమైంది. అంటే ఎలిప్టికల్ ఆర్బిట్ నుంచి వృత్తాకార కక్ష్యలోకి చంద్రయాన్ రావడం ప్రారంభించింది. ఇస్రో తదుపరి ఆపరేషన్‌ను ఆగస్టు 16 ఉదయం 08:30 గంటలకు నిర్వహిస్తుంది. ఇందులో, బెంగళూరులోని ఇస్రో ప్రధాన కార్యాలయం నుంచి శాస్త్రవేత్తలు చంద్రయాన్ థ్రస్టర్‌లను కాల్చి 100 కిమీ X 100 కిమీ వృత్తాకార కక్ష్యలోకి తీసుకువస్తారు.

ఆగస్టు 17 చంద్రయాన్‌కు చాలా ముఖ్యమైన రోజు. ఈ రోజున ఇస్రో చంద్రయాన్-3 ప్రొపల్షన్ మాడ్యూల్‌ను ల్యాండర్ నుంచి వేరు చేస్తుంది. ఆ తర్వాత ఆగస్టు 23న సాయంత్రం 05:30 గంటలకు ల్యాండర్ చంద్రుడి ఉపరితలంపై ల్యాండ్ అవుతుంది. అంతకుముందు ఆగస్టు 9న, చంద్రయాన్ కక్ష్య తగ్గించారు. ఆ తర్వాత అది 174 కిమీ x 1437 కిమీ కక్ష్యలోకి వచ్చింది.

ఆగస్టు 5న చంద్రుడి కక్ష్యకు చేరుకున్న చంద్రయాన్..

22 రోజుల ప్రయాణం తర్వాత చంద్రయాన్ ఆగస్టు 5న రాత్రి 7:15 గంటలకు చంద్రుడి కక్ష్యకు చేరుకుంది. అప్పుడు వాహనం చంద్రుని గురుత్వాకర్షణలో నిలిచింది. తద్వారా దాని వేగం తగ్గింది. వేగాన్ని తగ్గించేందుకు ఇస్రో శాస్త్రవేత్తలు వాహనం ముఖాన్ని తిప్పి 1835 సెకన్ల పాటు అంటే దాదాపు అరగంట పాటు థ్రస్టర్‌లను కాల్చారు. రాత్రి 7:12 గంటలకు ఈ కాల్పులు ప్రారంభమయ్యాయి.

చంద్రుని ఫొటోలను పంపిన చంద్రయాన్..

చంద్రయాన్ మొదటిసారిగా చంద్రుని కక్ష్యలోకి ప్రవేశించినప్పుడు, దాని కక్ష్య 164 కి.మీ x 18,074 కి.మీ. కక్ష్యలోకి ప్రవేశిస్తున్నప్పుడు, దాని ఆన్‌బోర్డ్ కెమెరాలు చంద్రుని చిత్రాలను కూడా బంధించాయి. ఇస్రో దానిని వీడియో తీసి తన వెబ్‌సైట్‌లో షేర్ చేసింది. ఈ చిత్రాలలో చంద్రుని క్రేటర్స్ స్పష్టంగా కనిపిస్తున్నాయి.

చంద్రయాన్ ఆగస్టు 23 న చంద్రునిపై ల్యాండ్ అవుతుంది. ఇది ల్యాండర్, రోవర్, ప్రొపల్షన్ మాడ్యూళ్లను కలిగి ఉంటుంది. ల్యాండర్, రోవర్ చంద్రుని దక్షిణ ధ్రువంపై దిగి 14 రోజుల పాటు ప్రయోగాలు నిర్వహిస్తాయి. ప్రొపల్షన్ మాడ్యూల్ చంద్రుని కక్ష్యలో ఉండి భూమి నుంచి వచ్చే రేడియేషన్‌ను అధ్యయనం చేస్తుంది. ఈ మిషన్ ద్వారా ఇస్రో చంద్రుడిపై నీటి కోసం అన్వేషిస్తుంది. చంద్రుని ఉపరితలంపై భూకంపాలు ఎలా సంభవిస్తాయో కూడా ఇది కనుగొంటుంది.

చంద్రయాన్-3 ప్రయాణం ఇప్పటివరకు...

జులై 14న చంద్రయాన్‌ను 170 కి.మీ x 36,500 కి.మీ భూమి కక్ష్యలోకి ప్రవేశపెట్టారు.

జులై 15న మొదటిసారిగా కక్ష్యను 41,762 కి.మీ x 173 కి.మీలకు పెంచారు.

జులై 17న, కక్ష్యను రెండవసారి 41,603 కిమీ x 226 కిమీకి పెంచారు.

జులై 18న, కక్ష్యను మూడవసారి 5,1400 కి.మీ x 228 కి.మీకి పెంచారు.

జులై 20న, కక్ష్య నాల్గవసారి 71,351 x 233 కి.మీ.కి పెరిగింది.

జులై 25న, కక్ష్యను 5వ సారి 1,27,603 కిమీ x 236 కిమీకి పెంచారు.

జులై 31, ఆగస్టు 1 రాత్రి, చంద్రయాన్ భూమి కక్ష్య నుంచి చంద్రుని వైపు కదిలింది.

ఆగస్టు 5న చంద్రయాన్-3 164 కి.మీ x 18074 కి.మీ చంద్రుని కక్ష్యలోకి ప్రవేశించింది.

ఆగస్టు 6న, చంద్రయాన్ కక్ష్య మొదటిసారిగా 170 కి.మీ x 4313 కి.మీకి తగ్గించారు.

ఆగస్టు 9న, చంద్రయాన్ కక్ష్య రెండోసారి 174 కి.మీ x 1437 కి.మీకి తగ్గించారు.

ఆగస్టు 14న, చంద్రయాన్ కక్ష్య మూడోసారి 150 కి.మీ x 177 కి.మీకి తగ్గించారు.