లక్నోలోని ఈ-రిక్షా గోడౌన్‌లో భారీ అగ్ని ప్రమాదం

Fire Accident: ఉత్తరప్రదేశ్ రాజధాని లక్నోలో భారీ అగ్ని ప్రమాదం జరిగింది. బాద్‌షా నగర్‌లోని మెట్రో స్టేషన్ సమీపంలో ఉన్న ఈ-రిక్షా గోడౌన్‌లో ఒక్కసారిగా మంటలు చెలరేగాయి. భవనం పై అంస్తుల్లో మంటలు ఉవ్వెత్తున ఎగిసిపడ్డాయి. దీంతో గోడౌన్‌లో ఉన్న ఉద్యోగులు, కొంతమంది సిబ్బంది మంటల్లో చిక్కుకున్నారు. సమాచారం అందుకున్న ఫైర్ సిబ్బంది..హుటా హుటిన ఘటనా స్థలానికి చేరుకొని గోడౌన్‌లో చిక్కుకున్న సిబ్బందిని కాపాడే ప్రయత్నం చేశారు. భారీ నించెన సాయంతో ఒక్కొక్కరిని కిందికి సురక్షితంగా కిందకు దించారు. ఈ ప్రమాదంలో ప్రాణనష్టం తప్పినా..ఆస్తినష్టం భారీగానే ఉందని పోలీసులు చెప్తున్నారు. మంటల్లో ఈ రిక్షాలన్నీ కాలిబూడిదయ్యాయి. ఫైర్ సిబ్బంది గంటల పాటు శ్రమించి మంటల్ని ఆర్పేశారు.