Lucky Baskhar : ‘లక్కీ భాస్కర్’గా దుల్కర్..

Venky Atluri: ఈ ఏడాది స్టార్ హీరో ధనుష్‌తో సార్ సినిమా తెరకెక్కించాడు యువ దర్శకుడు వెంకీ అట్లూరి. తెలుగు, తమిళ భాషల్లో తెరకెక్కిన ఈ చిత్రం బాక్సాఫీస్ వద్ద మంచి వసూళ్లు రాబట్టింది. సార్ సక్సెస్‌ను ఎంజాయ్ చేస్తున్న వెంకీ అట్లూరి ఇటీవలే మలయాళ స్టార్ హీరో దుల్కర్‌ సల్మాన్‌ తో సినిమా చేస్తున్నట్టు ప్రకటించిన విషయం తెలిసిందే. తాజాగా నేడు దుల్కర్ పుట్టిన రోజు కావడంతో ఈ సినిమా టైటిల్ ని ప్రకటించారు చిత్రయూనిట్. లక్కీ భాస్కర్ అనే ఆసక్తికర టైటిల్ ని ప్రకటిస్తూ పోస్టర్ ని రిలీజ్ చేశారు.

ఈ పోస్టర్ చూస్తుంటే సినిమా డబ్బు చుట్టూ తిరిగే కథ అని తెలుస్తుంది. ఈ సినిమాని సితార ఎంటర్టైన్మెంట్స్, ఫార్ట్యూన్ ఫోర్ సినిమాస్, శ్రీకర స్టూడియోస్ నిర్మాణంలో గ్రాండ్ గా తెరకెక్కింది. జాతీయ అవార్డు గ్రహీత, సార్(వాతి)కి చార్ట్‌బస్టర్ సంగీతం అందించిన జి.వి. ప్రకాష్ కుమార్ ఈ చిత్రానికి సంగీతం అందిస్తున్నారు. మరో జాతీయ అవార్డు గ్రహీత నవీన్ నూలి ఎడిటర్ గా వ్యవహరిస్తున్నారు. ఈ చిత్రానికి సంబంధించిన మరిన్ని వివరాలను త్వరలో వెల్లడించనున్నారు.