మహేష్ బాబు సినిమా కోసం భారీ ప్లాన్ వేసిన త్రివిక్రమ్

Mahesh Babu: తెలుగు సూపర్ స్టార్ మహేష్ బాబు మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఒక సినిమా చేస్తున్న సంగతి తెలిసిందే. అతడు మరియు ఖలేజా వంటి సినిమాలు తర్వాత వీరిద్దరి కాంబినేషన్లో ప్రేక్షకుల ముందుకు రాబోతున్న మూడవ సినిమా ఇది. ఈ నేపథ్యంలో ఈ సినిమాపై భారీ అంచనాలు నెలకొన్నాయి. స్టార్ బ్యూటీ పూజా హెగ్డే ఈ సినిమాలో హీరోయిన్గా నటిస్తోంది. ఈ మధ్యనే ఈ చిత్ర షూటింగ్ ఎట్టకేలకు పట్టాలెక్కింది. తాజా సమాచారం ప్రకారం ఈ సినిమా షూటింగ్ ఇప్పుడు శరవేగంగా జరుగుతుంది.

అయితే తాజాగా ఈ సినిమాకి సంబంధించిన ఒక ఆసక్తికరమైన వార్త ఇప్పుడు సోషల్ మీడియాలో వైరల్ గా మారుతుంది. ఏప్రిల్ నెలాఖరు కి పాటలు తప్ప మిగతా టాకీపాటి షూటింగ్ మొత్తం పూర్తయిపోతుందని వార్తలు వినిపిస్తున్నాయి. అయితే ఈ సినిమాలో మొత్తం మూడు ఫైట్స్ సన్నివేశాలు ఉంటాయట. మరోవైపు ఈ సినిమాకి "చస్తే" అనే టైటిల్ను అనుకుంటున్నట్లు వార్తలు వినిపిస్తున్నాయి. కానీ దీనికి సంబంధించిన అధికారిక ప్రకటన ఇంకా వెలువడాల్సి ఉంది.

ఈ మధ్యనే సోషల్ మీడియాలో మహేష్ బాబు స్లీవ్ లెస్ టీషర్టుతో కండలు చూపిస్తూ ఫోటోలకి పోజ్ ఇచ్చారు. మరి ఆ కండలు త్రివిక్రమ్ శ్రీనివాస్ సినిమాలో పాత్ర కోసమేనా అని అనుమానాలు వ్యక్తం అవుతున్నాయి. హారిక హాసిని క్రియేషన్స్ వారు ఈ సినిమాని నిర్మిస్తున్నారు. యువ హీరోయిన్ శ్రీ లీల ఈ సినిమాలో రెండవ హీరోయిన్ పాత్రలో కనిపించబోతోంది అని తెలుస్తోంది. బాలీవుడ్ బ్యూటీ భూమి పెడ్నేకర్ ఈ సినిమాతో తెలుగు ప్రేక్షకులకు పరిచయం కాబోతోంది.