Devara: దేవర స్పెషల్ షోలకు తెలంగాణ ప్రభుత్వం గ్రీన్ సిగ్నల్

Devara: దేవర మూవీ విడుదల సమయం దగ్గరపడుతోంది. దీంతో కొద్ది మంది సినీ ప్రేక్షకుల్లో ఆసక్తి పెరుగుతోంది. మ్యాన్ ఆఫ్ మాసెస్ జూనియర్ ఎన్టీఆర్ హీరోగా వస్తున్న ఈ సినిమాపై అభిమానుల్లో భారీ అంచనాలే ఉన్నాయి. ఈ హైవోల్టేజ్ యాక్షన్ పై చిత్రానికి కొరటాల శివ దర్శకత్వం వహిస్తున్నారు. ఈ శుక్రవారం సెప్టెంబర్ 27న ఈ మూవీ రిలీజ్ కానుంది. ఈ మూవీ టికెట్ ధరలను పెంచుకునేందుకు తెలంగాణ ప్రభుత్వం సోమవారం క్లారిటీ ఇచ్చింది. అంతేకాదు అదనపు షోలకు కూడా ఒకే చెప్పింది.

దేవర మూవీ టికెట్ల ధరలను పెంచుకునేందుకు తెలంగాణ ప్రభుత్వం అనుమతి ఇస్తూ జీవో కూడా జారీ చేసింది. తొలి రోజు సెప్టెంబర్ 27న దేవర సినిమా ఒక్క టికెట్ పై రూ. 100 అదనంగా ధర పెంచేందుకు ప్రభుత్వం ఓకే చెప్పింది. ఆ తర్వాత తొమ్మిది రోజులు తెలంగాణ వ్యాప్తంగా మల్టీ ప్లెక్స్ థియేటర్లలో ఒక్కో టికెట్ పై రూ. 50 సింగిల్ స్క్రీన్ థియేటర్లలో టికెట్ పై రూ. 25 రేటను పెంచుకునేందుకు గ్రీన్ సిగ్నల్ ఇచ్చింది.

ఇక తెలంగాణ వ్యాప్తంగా దేవర తొలిరోజు తెల్లవారుజామున 4గంటల నుంచి 6 షోలను ప్రదర్శించేందుకు ప్రభుత్వం అంగీకరించింది. రెండో రోజు నుంచి 10వ రోజు వరకు ప్రతిరోజూ 5 షోలకు ఓకే చెప్పింది. తొలిరోజు అర్ధరాత్రి ఒంటిగంటకు షోకు మాత్రం 29 థియేటర్లకే తెలంగాణ ప్రభుత్వం అనుమతి ఇచ్చింది.

29 థియేటర్లలో సెప్టెంబర్ 27న అర్ధరాత్రి దేవర ఒంటి గంట షోలు ఉంటాయి. హైదరాబాద్‍ ఆర్టీసీ క్రాస్‍రోడ్స్‌ - సుదర్శన్ 35ఎంఎం, దేవీ 70ఎంఎం, సంధ్య 35ఎంఎం, సంధ్య 70ఎంఎం థియేటర్లు,కూకట్‍పల్లి - విశ్వనాథ్, మల్లికార్జున, భ్రమరాంబ, అర్జున్ థియేటర్లు,ఎర్రగడ్డ - గోకుల్ థియేటర్లు,మూసాపేట - శ్రీరాములు,అత్తాపూర్‌ - ఎస్‍వీసీ ఈశ్వర్,ఆర్సీ పురం - ఎస్‍వీసీ సంగీత,మల్కాజ్‍గిరి - శ్రీసాయిరాం,దిల్‍సుఖ్‍నగర్‌ - కోనార్క్,కర్మాన్‍ఘాట్‍ - ఎస్‍వీసీ శ్రీలక్ష్మి,

మాదాపూర్ - బీఆర్ హైటెక్,గచ్చిబౌలీ - ఏఎంబీ సినిమాస్,ఆమిర్ పేట్ - ఏఏఏ సినిమాస్,కూకట్‍పల్లి - పీవీఆర్ నెక్సస్ మాల్,ఎన్టీఆర్ గార్డెన్స్ - ప్రసాద్ మల్టీప్లెక్స్,నల్లగడ్డ - అపర్ణ థియేటర్,ఖమ్మం - శ్రీతిరుమల, వినోద, సాయిరామ్, శ్రీనివాస, కేపీఎస్ ఆదిత్య,మిర్యాలగూడ - విట్రోస్ సినీప్లెక్స్,మహబూబ్‍నగర్‌ - ఏవీడీ తిరుమల కాంప్లెక్స్,గద్వాల్‍ - ఎస్‍వీసీ మల్టీప్లెక్స్

సెప్టెంబర్ 27వ తేదీన వందలాది థియేటర్లలో దేవర సినిమా 6 షోలు నడుస్తాయి. పెద్దగా పోటీ లేకపోవడంతో ఈ మూవీకి భారీ స్థాయిలో విడుదల కానుంది. రెండో రోజు నుంచి పదో రోజు వరకు 5 షోలు ఉంటాయి.