SS Rajamouli: సింహంతో రాజమౌళి.. అసలు కథేంటంటే..?

SS Rajamouli: దర్శకధీరుడు రాజమౌళి ఇండియాలో బిగ్గెస్ట్ డైరెక్టర్స్ లో ఒకరు. ప్రస్తుత ఫామ్ ని బట్టి రాజమౌళి అగ్రస్థానంలో ఉన్నారు అని చెప్పడంలో ఎలాంటి సందేశం లేదు. రాజమౌళి సినిమా మొదలుపెట్టారనగానే ఆయన తీసే సినిమా గురించి ఊహాగానాలు మొదలుపెట్టేస్తారు ఆడియన్స్. ఇక ప్రిన్స్ మహేష్ బాబుతో సినిమా అంటే.. ఇంకేముంది.. షూటింగ్ ఎక్కడ, కథేంటి అనే అంశాలను తెలుసుకునేందుకు తెగ ఆరాట పడిపోతుంటారు. ఈ క్రమంలో రాజమౌళి ఒక సింహం ముందు నిలబడి ఉన్న ఫొటో వైరల్ గా మారింది. ఇక ఈ ఫొటో చూసిన నెటిజన్లు ఇప్పుడు దాని గురించి తెగ చర్చించుకుంటున్నారు.

రాజమౌళి స్టోరీ ముందే చెప్పి ఆడియన్స్ ను బిగ్ స్క్రీన్స్ కు రప్పించడం, ఒకవేళ వచ్చినా మూడు గంటల పాటు కళ్లు తిప్పుకోకుండా ఎంటర్ టైన్ చేయడం అంత ఈజీ కాదు. అందుకే ఇతర దర్శకుల కంటే రాజమౌళి ఎంతో స్పెషల్ గా కనిపిస్తారు. వరుస పాన్ ఇండియా హిట్స్ తో దూసుకెళ్తున్న దర్శకధీరుడు ఇప్పుడు సూపర్ స్టార్ మహేష్ బాబుతో తెరకెక్కించనున్న సినిమా SSMB29. చిత్ర పనుల్లో బిజీగా ఉన్న రాజమౌళి నిత్యం వార్తల్లో నిలుస్తున్నాడు. అయితే తాజాగా ఈ ప్రాజెక్ట్ గురించి ఇంట్రెస్టింగ్ అప్ డేట్ ఇచ్చిన రాజమౌళి.. ఒక్క ఫొటోతో మూవీ కథేంటో చెప్పకనే చెప్పేశాడు.

రాజమౌళి ఒక సింహం ముందు నిలబడి దిగిన ఫొటో గురించి ఇప్పుడు అభిమానులు తెగ చర్చించుకుంటున్నారు. ఆ ఫొటో వైరల్ అవ్వడానికి ఆ సింహం వెనుక ఉన్న సెన్సేషనల్ స్టోరీ కూడా కారణం అని చెబుతున్నారు. ఆ సింహం పేరు బాబ్ జూనియర్. సెరెంగెటీ నేషనల్ పార్క్ లో తిరుగుతూ ఎంతో పాపులారిటీ తెచ్చుకుంది. అత్యంత ఆకర్షణీయమైన ఫొటో జెనిక్ ఫేస్ కలిగిన సింహంగా దీన్ని చెబుతుంటారు. అలాంటిది కొన్ని సింహాల చేతుల్లో ఈ బాబ్ జూనియర్ హత్యకు గురైంది.

దీని తమ్ముడిగా భావించే ట్రైగ్వె అనే మరో లయన్ కూడా అదే ఘటనలో మరణించింది. ఆ రోజుల్లో ఈ ఘటన సంచలనం సృష్టించింది. ఇప్పుడు బాబ్ జూనియర్ ఫొటో ముందు నిలబడి జక్కన్న పిక్ దిగడం ఇంట్రెస్టింగ్ గా మారింది. ఇది చూసిన నెటిజన్లు బాబ్ జూనియర్ చనిపోయాక దాని ఆత్మ మహేష్ బాబును ఆవహిస్తుందని.. అక్కడితో కథ మొదలవుతుందని అంటున్నారు. ప్రతీకారం, నిధికి సంబంధించిన వేట కీలకంగా SSMB29 స్టోరీ సాగుతుందని నెటిజన్లు కామెంట్స్ చేస్తున్నారు.

అయితే ఇందులో నిజానిజాలు ఏంటనేది మూవీ టీమ్ కే తెలియాలి.. అయితే ప్రతీకారం, నిధి అన్వేషణతో సాగే కథ అంటూ వినిపిస్తున్న రూమర్స్.. మళ్లీ సినిమా గురించి చర్చించేలా చేశాయి. అసలు స్టోరీ ఏంటనేది రాజమౌళి క్లారిటీ ఇస్తే గానీ తెలియదు.. ఇంతకీ కథేంటనేది తెలియాలంటే కొంతకాలం ఆగాల్సిందే.