Sarkaru Vaari Paata Teaser: 'సర్కారు వారి పాట' టీజర్ ఎప్పుడంటే..?

Sarkaru Vaari Paata Teaser: సూపర్ స్టార్ మహేష్ బాబు, కీర్తి సురేష్ హీరోహీరోయిన్లు గా నటిస్తున్న సినిమా 'సర్కారు వారి పాట'. ఈ సినిమాకి పరశురాం పెట్ల దర్శకత్వం వహిస్తున్నాడు. మొదటి షెడ్యూల్ పూర్తి చేసుకున్న ఈ సినిమా.. కోవిడ్ సెకండ్ వేవ్ తో ప్రస్తుతం చిత్రీకరణ ఆగిపోయింది.

సూపర్ స్టార్ కృష్ణ పుట్టినరోజు (మే 31 ) సందర్భంగా సర్కారు వారి పాట సినిమా టీజర్‌ను విడుదల చేసేందుకు ఫిల్మ్ యూనిట్ యోచిస్తోంది. మహేష్ బాబు తండ్రి పుట్టినరోజున ఫ్యాన్స్‌ కు సర్‌ప్రైజ్ చేయాలని ప్రిన్స్ ప్లాన్ చేస్తున్నట్లు తెలుస్తోంది.

గతేడాది కృష్ణ పుట్టినరోజు సందర్భంగా ఈ సినిమా ప్రకటించారు మూవీ యూనిట్. అయితే, ఈ ఏడాది పుట్టిన రోజు సందర్భంగా ట్రైలర్ ని రిలీజ్ చేసేందుకు ప్లాన్ చేస్తున్నట్లు తెలుస్తోంది. వచ్చే ఏడాది సంక్రాంతికి ఈ సినిమాను విడుదల చేయాలని మేకర్స్ మొదట్లో ప్లాన్ చేసినప్పటికీ.. కరోనా కారణంగా షూటింగ్ లేట్ అవ్వడంతో విడుదల తేదీ మారతుందని టాక్ వినిపిస్తోంది. దీనిపై అధికారిక ధృవీకరణ త్వరలో బయటకు వస్తుంది.