Sai Pallavi:"అది నిజమైన ముద్దు కాదు" అంటున్న లవ్ స్టోరీ హీరోయిన్

Sai Pallavi: మిగతా స్టార్ హీరోయిన్లు వేరు, సాయి పల్లవి వేరు. ఎందుకంటే ఈ "ఫిదా" బ్యూటీ సినిమాకి ఒప్పుకోవాలంటే కొన్ని నియమాలు ఉంటాయి. భారీ ఎక్స్పోజింగ్ కి ఆమె ససేమిరా ఒప్పుకోదు. అంతేకాకుండా ముద్దు సన్నివేశాలలో కూడా నటించే అవకాశమే లేదు. కానీ ఆసక్తికరమైన విషయం ఏమిటంటే ఈ మధ్యనే సాయి పల్లవి మరియు నాగచైతన్య హీరో హీరోయిన్లుగా నటించిన "లవ్ స్టోరీ" సినిమా విడుదలై బాక్సాఫీసు వద్ద మంచి రెస్పాన్స్ ఉంటుంది. కానీ శేఖర్ కమ్ముల దర్శకత్వం వహించిన ఈ సినిమాలో ఏకంగా రెండు ముద్దు సన్నివేశాలు ఉన్నాయి. ఈ విషయం ఒక ఇంటర్వ్యూలో మాట్లాడుతూ సాయిపల్లవి దీని గురించి క్లారిటీ ఇచ్చింది.

అదంతా ఒక ట్రిక్ అని చెప్పుకొచ్చింది సాయి పల్లవి. తాను నాగచైతన్యని ముద్దు పెట్టుకోలేదని క్లారిటీ ఇచ్చింది. కెమెరా ట్రిక్ మరియు ఎడిటింగ్ మాయాజాలంతో ఆ సన్నివేశాన్ని అలా పండించారని చెప్పింది సాయి పల్లవి. వచ్చిన సినిమాలన్నీ ఒప్పుకోకుండా కేవలం తనకు నచ్చిన పాత్రలు మాత్రమే చేస్తూ ముందుకు సాగుతున్న సాయిపల్లవి ఈ మధ్యనే చిరంజీవి "భోళా శంకర్" సినిమాలో చిరు చెల్లెలి పాత్ర చేసేందుకు రిజెక్ట్ చేసిన సంగతి తెలిసిందే. మరోవైపు లవ్ స్టోరీ సినిమా తెలుగు రాష్ట్రంలోనే కాక అమెరికాలో కూడా బాక్స్ ఆఫీసు వద్ద కాసుల వర్షం కురిపిస్తోంది.