ఆ సెంటిమెంట్ మెగా మేనల్లుడికి వర్క్ ఔట్ అయ్యేనా

ఈ మధ్య ఫ్యామిలీ సెంటిమెంట్ ఉన్న సినిమాలను ప్రేక్షకులు బాగానే ఆదరిస్తున్న సంగతి తెలిసిందే. ముఖ్యంగా తండ్రి కొడుకు లేదా తండ్రి కూతురు సెంటిమెంట్ సినిమాలకు బాగా పనికొస్తుంది. తండ్రీకొడుకులు నేపథ్యం సెంటిమెంట్ నేపథ్యంలో 'సన్నాఫ్ సత్యమూర్తి', 'నాన్నకు ప్రేమతో' లాంటి సినిమాలు హిట్ అయ్యాయి. ఈ నేపథ్యంలో గత కొంతకాలంగా హిట్ సినిమా కోసం ఎదురుచూస్తున్న సాయి ధరంతేజ్ కూడా తన తదుపరి ప్రాజెక్టులో ఇదే సెంటిమెంట్ ను వాడనున్నాడని తెలుస్తోంది. 'తేజ్ ఐ లవ్ యు' సినిమాతో డిజాస్టర్ అందుకున్న సాయి ధరంతేజ్ ప్రస్తుతం 'చిత్రలహరి' అనే సినిమాతో బిజీగా ఉన్న సంగతి తెలిసిందే.

కిషోర్ తిరుమల ఈ సినిమాకు దర్శకత్వం వహిస్తున్నారు. ఈ దర్శకుడు ఇప్పటికే తండ్రి కూతురు సెంటిమెంటుతో 'నేను శైలజ' సినిమా తీసిన సంగతి తెలిసిందే. అది హిట్ అయింది కూడా. అందుకే ఈ సినిమాలో తండ్రి కొడుకు సెంటిమెంట్ వాడనున్నారని తెలుస్తోంది. ఈ సినిమాలో సాయి ధరమ్ తేజ్ పాత్ర కు మరియు అతని తండ్రి పాత్రకు మధ్య ఉండే బంధం హైలైట్ గా మారుతుందని తెలుస్తోంది. ఇప్పటికే ఈ సినిమా షూటింగ్ ముగింపు దశకు చేరుకుంది. ఈ సినిమా ఏప్రిల్ లో విడుదల కానుంది.