Pushpa 2 Traier Telugu: పుష్ప 2 ట్రైలర్ మామూలుగా లేదుగా.. పుష్ప అంటే పేరు కాదు.. బ్రాండ్.. తగ్గెదెలే..

Pushpa 2 Traier Telugu: ఐకాన్ స్టార్ అల్లు అర్జున్ అభిమానులు ఎప్పటి నుండో ఎదురుచూస్తోన్న పుష్ప 2 ది రూలర్ మూవీ ట్రైలర్ వచ్చేసింది. పుష్ప ది రైజ్ మూవీ చూశాక పుష్ప సీక్వెల్ పై భారీ అంచనాలు పెరిగిపోయాయి. అందుకు తగినట్లుగానే పుష్ప 2 ది రూలర్ మేకింగ్ ప్లాన్ చేశారు. తాజాగా రిలీజైన పుష్ప 2 మూవీ ట్రైలర్ చూస్తే ఆ అంచనాలు అంతకు మించి రెట్టింపయ్యాయి. ముఖ్యంగా అల్లు అర్జున్ అభిమానులతో థియేటర్లలో కేకలు పెట్టించే డైలాగ్స్ ఎన్నో ఈ సినిమాలో ఉన్నాయనిపించేలా ట్రైలర్ కట్ చేశారు. ఉదాహరణకు "పుష్ప అంటే పేరు కాదు.. పుష్ప అంటే బ్రాండ్" అని హీరోయిన్ రష్మిక హై పిచ్ లో చెప్పిన డైలాగ్ అభిమానులకు నిజంగానే పిచ్చెక్కించేలా ఉంది.

పుష్ప పేరు చిన్నదే కానీ సౌండ్ పెద్దది, నాకు రావాల్సిన పైసా అణా అయినా, అర్థ అయినా.. అది ఏడు కొండల మీదున్నా.. ఏడు సముద్రాల దాటున్నా.. పోయి తెచ్చుకునేదే పుష్ప గాడి అలవాటు వంటి డైలాగ్స్ పుష్ప క్యారెక్టర్ ను మరోస్థాయిలో ఎలివేట్ చేసేవి గా ఉన్నాయి. అన్నింటికి మించి పుష్ప అంటే నేషనల్ అనుకుంటివా.. ఇంట్నేషనల్ అనే డైలాగ్ అల్లు అర్జున్ ఫ్యాన్స్ కి పూనకాలు తెప్పిస్తోంది.అలాగే పుష్ప అంటే ఫ్లవర్ అనుకుంటివా.. ఫైర్ కాదు.. వైల్డ్ ఫైర్ అనే డైలాగ్ బన్నీ ఫ్యాన్స్‌ను మరింత పీక్స్‌కు తీసుకెళ్తోంది.

చివర్లో అరే దివానో.. ముఝె పహెచానో అనే సాంగ్ బ్యాక్‌డ్రాప్‌తో మళయాలం యాక్టర్ ఫహద్ ఫాసిల్ ఎంట్రీ మరోసారి ఆకట్టుకునేలా ఉంది. పుష్ప 1 మూవీలో పార్టీ లేదా పుష్ప అని అలరించిన భన్వర్ సింగ్ షెఖావత్... ఈసారి "పార్టీ ఉంది పుష్ప" అని చెప్పడం నిజంగానే అల్లు అర్జున్ ఫ్యాన్స్‌‌కు ఈ సినిమా పార్టీ లాంటిదే అని చెప్పినట్లుగా ఉంది. మైత్రీ మూవీ మేకర్స్ నిర్మించిన ఈ సినిమాను సుకుమార్ డైరెక్ట్ చేయగా దేవీ శ్రీ ప్రసాద్ మ్యూజిక్ కంపోజ్ చేశారు.