Pushpa 2 Official Runtime: తగ్గేదేలే.. 'పుష్ప 2' అఫీషియల్‌ రన్‌టైమ్‌ ఎంతో తెలుసా?

Pushpa 2 Official Runtime: దేశవ్యాప్తంగా సినీ ప్రియులు ఎంతో ఆసక్తిగా ఎదురుచూస్తున్న సినిమా 'పుష్ప 2'. పోస్ట్ ఫోన్ అవుతూ వస్తున్న ఈ చిత్రం చివరకు డిసెంబర్ 5న ప్రేక్షకుల ముందుకు వస్తోంది. భారీ అంచనాలు ఉన్న పుష్ప 2 రన్‌టైమ్‌ పైనే గత రెండు రోజుల నుంచి సోషల్ మీడియాలో చర్చ నడుస్తోంది. రన్‌టైమ్‌ మూడు గంటల పైనే ఉంటుందని అందరూ అనుకున్నారు. తగ్గేదేలే అన్నట్టుగా.. 3 గంటల 20 నిమిషాల 38 సెకన్ల నిడివితో పుష్ప 2 రాబోతోంది. ఇది ఆఫీషియల్ రన్‌టైమ్‌. దాంతో ప్రభాస్ కల్కి చిత్రంను పుష్ప బీట్ చేసింది. కల్కి రన్‌టైమ్‌ 3 గంటల 1 నిమిషం.

పుష్ప 2 సినిమా సెన్సార్‌ పూర్తయింది. సెన్సార్‌ బోర్డు ఈ సినిమాకు U/A సర్టిఫికేట్‌ను ఇచ్చింది. అయితే ఐదు విషయాల్లో మార్పులు చేయాలని చెప్పింది. రండి అనే పదాన్ని మరొక పదంతో మార్చమని సూచించింది. మరో అసభ్య పదాన్ని మ్యూట్‌ చేయమని చెప్పింది. వెంకటేశ్వర్‌ అనే మాటను భగవంతుడుగా మార్చమని తెలిపింది. విలన్‌ చేతిని హీరో నరకగా.. అది గాలిలో ఎగిరే సీన్‌ను, నరికిన చేతిని హీరో పట్టుకునే సన్నివేశాలను సీజీతో కవర్‌ చేయమని చిత్ర బృందంకు సెన్సార్‌ బోర్డు సూచించింది.

ఐకాన్ స్టార్ అల్లు అర్జున్‌ హీరోగా, దర్శకుడు సుకుమార్ తెరకెక్కించిన మూవీ ‘పుష్ప-ది రైజ్’. 2021లో రిలీజ్ అయిన ఈ చిత్రం బ్లాక్ బస్టర్ హిట్ అయింది. ఇండస్ట్రీ రికార్డులను తిరగరాసింది. పుష్పకి కొనసాగింపుగా పుష్ప-ది రూల్ వస్తోంది. సెకండ్ పార్ట్ అంతకుమించి ఉండనుంది. ఇందులో నేషనల్ క్రష్ రష్మిక మందన్న మరోసారి శ్రీవల్లిగా అలరించనున్నారు. భన్వర్‌లాల్‌ షెకావత్‌గా అలరించిన మలయాళ స్టార్ ఫాహద్ ఫాజిల్‌ మరోసారి కీలక పాత్రలో నటిస్తున్నారు. మైత్రీ మూవీ మేకర్స్‌ బ్యానర్‌పై నవీన్‌ ఎర్నేని, వై.రవిశంకర్ నిర్మించారు. ఇందులో యంగ్ బ్యూటీ శ్రీలీల ఐటెం సాంగ్ చేశారు. ఇది ఇప్పటికే రికార్డు సృష్టిస్తోంది.