Sreeleela: శ్రీలీల నిజంగానే బాలీవుడ్ ఆఫ‌ర్ రిజ‌క్ట్ చేసిందా.? ఇందులో నిజ‌మెంత‌.?

Sreeleela: అత్యంత త‌క్కువ స‌మ‌యంలో ఎక్కువ పాపులారిటీని సంపాదించుకుంది అందాల తార శ్రీలీల. పెళ్లి సంద‌డి మూవీతో తెలుగు ప్రేక్ష‌కుల‌కు ప‌రిచ‌య‌మైన ఈ చిన్న‌ది తొలి సినిమాతోనే త‌న‌దైన అందంతో కుర్ర‌కారును క‌ట్టిప‌డేసింది. దీంతో ఈ బ్యూటీకి వ‌రుస‌గా ఆఫ‌ర్లు క్యూ క‌ట్టాయి. కెరీర్ తొలినాళ్ల‌లోనే ఎంతో మంది అగ్ర హీరోల స‌ర‌స‌న న‌టించే అవ‌కాశాన్ని సొంతం చేసుకుందీ చిన్న‌ది. ఇక తాజాగా ఏకంగా ప‌వ‌న్ క‌ళ్యాణ్‌తో న‌టించే ల‌క్కీ ఛాన్స్‌ను సైతం కొట్టేసిందీ చిన్న‌ది.

ఇదిలా ఉంటే శ్రీలీలాకు బాలీవుడ్‌లో న‌టించే అవ‌కాశం ద‌క్కించుకున్న‌ట్లు వార్త‌లు వచ్చిన విష‌యం తెలిసిందే. బాలీవుడ్ హీరో వ‌రుణ్‌ధావ‌న్ ప్ర‌ధాన పాత్ర‌లో తెర‌కెక్కుతోన్న సినిమాలో శ్రీలీల హీరోయిన్ క‌న్ఫామ్ చేసిన‌ట్లు వార్త‌లు వ‌చ్చాయి. అయితే ఈ వార్త‌ల‌పై చిత్ర యూనిట్ అధికారికంగా స్పందించింది. శ్రీలీల న‌టిస్తోంద‌ని వ‌స్తున్న వార్త‌ల్లో ఎలాంటి నిజం లేద‌ని తేల్చి చెప్పారు.

చిత్ర నిర్మాత ర‌మేష్ ఈ విష‌యమై స్పందిస్తూ.. తాము ఈ చిత్రంలో హీరోయిన్ కోసం ఇప్ప‌టి వ‌ర‌కు ఎవ‌రినీ సంప్ర‌దించ‌లేద‌ని, ప్ర‌స్తుతం కేవ‌లం తొలి షెడ్యూల్ మాత్ర‌మే పూర్తయిందని చెప్పుకొచ్చారు. త్వ‌ర‌లోనే సెకండ్ షెడ్యూల్‌ను ప్రారంభించ‌నున్న‌ట్లు తెలిపారు. అయితే హీరోయిన్ ఎవ‌ర‌నే విష‌యంలో ఇంకా ఎలాంటి నిర్ణ‌యం తీసుకోలేద‌ని, త్వ‌ర‌లోనే ఈ విష‌యంపై క్లారిటీ ఇస్తామ‌ని చెప్పుకొచ్చారు. అప్ప‌టి వ‌ర‌కు ఎలాంటి వార్త‌లు న‌మ్మ‌కండి అని క్లారిటీ ఇచ్చారు. దీంతో ఈ వార్త‌ల‌కు ఫుల్ స్టాప్ పెట్టిన‌ట్లు అయ్యింది.

ఇదిలా ఉంటే శ్రీలీల కెరీర్ విష‌యానికొస్తే ఈ బ్యూటీ ప్ర‌స్తుతం.. ప‌వ‌న్ క‌ళ్యాణ్‌కు జోడిగా ఉస్తాద్ భ‌గ‌త్‌సింగ్ సినిమాలో న‌టిస్తోన్న విష‌యం తెలిసిందే. అయితే దీంతో పాటు ర‌వితేజ హీరోగా తెర‌కెక్కుతోన్న త‌దుప‌రి చిత్రంలో శ్రీలీల న‌టిస్తున్న విష‌యం తెలిసిందే.