ప్రియాంకతో రొమాన్స్ చేయబోతున్న పవన్ కళ్యాణ్

Pawan Kalyan: పవర్ స్టార్ పవన్ కళ్యాణ్ చేతుల్లో ఇప్పుడు బోలెడు ఆసక్తికరమైన ప్రాజెక్టులు ఉన్నాయి. అందులో "సాహో" ఫేమ్ డైరెక్టర్ సుజిత్ దర్శకత్వంలో చేస్తున్న సినిమా కూడా ఒకటి. "ఓజీ" అనే ఆసక్తికరమైన టైటిల్తో ప్రేక్షకుల ముందుకు రాబోతున్న ఈ సినిమాలో పవన్ కళ్యాణ్ ఒక గ్యాంగ్స్టర్ పాత్రలో కనిపించబోతున్నట్లు తెలుస్తోంది. అంతేకాకుండా చాలావరకు ఈ సినిమా షూటింగ్ ముంబైలోనే జరగబోతుందట. ఈ సినిమాకి సంబంధించిన మరిన్ని అప్డేట్ల కోసం అభిమానులు ఆసక్తిగా ఎదురు చూస్తున్నారు.

అయితే తాజాగా ఈ సినిమాలో హీరోయిన్ పాత్ర గురించిన ఒక ఆసక్తికరమైన అప్డేట్ ఇప్పుడు సోషల్ మీడియాలో తెగ వైరల్ గా మారుతుంది. ఈ సినిమాలో పవన్ కళ్యాణ్ సరసన హీరోయిన్గా నటించడానికి ఒక టాలెంటెడ్ హీరోయిన్ ని ఎంపిక చేసినట్లు సమాచారం. ఆ హీరోయిన్ మరెవరో కాదు ప్రియాంక ఆరుల్ మోహన్. నాని హీరోగా నటించిన గ్యాంగ్ లీడర్ సినిమాతో తెలుగు ప్రేక్షకులకు పరిచయమైన ప్రియాంక ఆ తర్వాత శర్వానంద్ సరసన "శ్రీకారం" సినిమాలో కూడా నటించింది.

తాజాగా ఇప్పుడు పవన్ కళ్యాణ్ సరసన హీరోయిన్ గా నటించే అవకాశాన్ని అందుకుంది ఈ భామ. ఈ సినిమా ఖచ్చితంగా ప్రియాంక కెరీర్ ను కూడా కీలక మలుపు తిప్పుతుంది అని అభిమానులు కూడా ఆశిస్తున్నారు. ఇక ఈ సినిమాకి సంబంధించిన మరిన్ని వివరాలు త్వరలో తెలియనున్నాయి. మరోవైపు పవన్ కళ్యాణ్ "హరిహర వీరమల్లు", "వినోదయ సితం" తెలుగు రీమేక్ మరియు "ఉస్తాద్ భగత్ సింగ్" తో కూడా బిజీగా ఉన్న సంగతి తెలిసిందే.