OTT Telugu Movies: ఈ వారం ఎంటర్‌టైన్‌మెంట్‌ పక్కా.. ఓటీటీతో పాటు థియేటర్లలో..

OTT Telugu movies releasing this week: ఎప్పటిలాగే మరో వారంతం వచ్చేస్తోంది. వీకెండ్ అనగానే మూవీ లవర్స్‌కి ఎక్కడ లేని జోష్‌ వచ్చేస్తుంది. వీకెండ్ వచ్చిందంటే ఒకప్పుడు కేవలం థియేటర్లలో సినిమాల కోసం ఎదురు చూసే ప్రేక్షకులు ఇప్పుడు ఓటీటీ చిత్రాల కోసం కూడా ఎదురు చూస్తున్నారు. ఈ క్రమంలోనే ఈ వారంతం ప్రేక్షకులను అలరించేందుకు సరికొత్త సినిమాలు విడుదలకు సిద్ధమవుతున్నాయి. మరి ఈ వారం విడులవుతోన్న సినిమాలు ఏంటో ఇప్పుడు తెలుసుకుందాం..

♦ రాజ్‌ తరుణ్‌, మాల్వీ మల్హోత్రా జంటగా తెరకెక్కిన 'తిరగబడరసామీ' సినిమా ఆగస్టు 2వ తేదీన విడుదలకు సిద్ధమవుతోంది. తన భార్యను కాపాడుకోవడానికి ఒక వ్యక్తి ఏవిధంగా పోరాటం చేశాడన్న కథాంశంతో వస్తోన్న ఈ సినిమాపై మంచి అంచనాలే ఉన్నాయి.

♦ అల్లు శిరీష్‌ నటించి కొత్త బడ్డీ కూడా ఆగస్టు 2వ తేదీన విడుదలవుతోంది. శామ్‌ ఆంటోన్‌ దర్శకత్వం వహించిన ఈ సినిమాపై కూడా మంచి అంచనాలే ఉన్నాయి. ఇప్పటికే విడుదలైన టీజర్‌, ట్రైలర్‌ సినిమాపై అంచనాలను పెంచేశాయి.

♦ ఇక ఈ వారం విడుదలకు సిద్ధంగా ఉన్న మరో ఇంట్రెస్టింగ్ మూవీ 'శివం భజే'. అఫ్సర్‌ దర్శకత్ వహించిన ఈ సినిమా ఆగస్టు 1వ తేదీన ప్రేక్షకులను పలకరిచేందుకు సిద్ధమవుతోంది. ఉత్కంఠ భరితంగా సాగే సన్నివేశాలతో ఈ సినిమా ఉండనుందని చిత్ర యూనిట్ చెబుతోంది.

♦ విజయ్‌ ఆంటోనీకి తెలుగులో మంచి మార్కెట్‌ ఉన్న విషయం తెలిసిందే. ఈ హీరో నటించిన తాజా చిత్రం తుపాన్‌ ఆగస్టు 2వ తేదీన విడుదలకు సిద్ధమవుతోంది. సత్యారాజ్‌ కీలక పాత్రలో నటించిన ఈ చిత్రంపై కూడా భారీగానే అంచనాలు ఉన్నాయి.

♦ దర్శకుడు విజయ్‌ భాస్కర్‌ దర్శకత్వంలో తన తనయుడు శ్రీకల్‌ను హీరోగా పరిచయం చేస్తున్న చిత్రం.. ‘ఉషా పరిణయం’. ఆగస్టు 2వ తేదీన ఈ సినిమా ప్రేక్షకుల ముందుకురానుంది. విజయ్‌ భాస్కర్‌ ప్రతిష్టాత్మకంగా ఈ సినిమాను తెరకెక్కిస్తున్నాడు.

♦ చాలా రోజుల తర్వాత వరుణ్‌ సందేశ్‌ ఎలాగైనా హిట్‌ కొట్టాలనే కసితో తెరకెక్కించిన చిత్రం విరాజి. సస్పెన్స్‌ థ్రిల్లర్‌గా రూపొందిన ఈ మూవీ ఆగస్టు 2న విడుదల కానుంది.

ఓటీటీలో..

ఓటీఈ విషయానికొస్తే.. నెట్‌ఫ్లిక్స్‌ వేదికగా మోడ్రన్‌ మాస్టర్స్‌ (రాజమౌళి డాక్యుమెంటరీ) ఆగస్టు 2 నుంచి స్ట్రీమింగ్ కానుంది. అలాగే ఆగస్టు 1వ తేదీ నుంచి ఎ గుడ్‌ గర్ల్స్‌ గైడ్‌ టు మర్డర్‌ వెబ్‌సిరీస్‌, అన్‌స్టేబుల్‌ 2 వెబ్‌సిరీస్ స్ట్రీమింగ్ కానుంది. ఇక డిస్నీ+ హాట్‌స్టార్‌లో ది కింగ్‌ డమ్‌ ఆఫ్ ప్లానెట్‌ ఆఫ్‌ది ఏప్స్‌ (తెలుగు) ఆగస్టు 2 నుంచి స్ట్రీమింగ్‌ కానుంది. సోనీ లివ్‌లో ఆగస్టు 2 నుంచి బృంద స్ట్రీమింగ్ కానుంది. వీటితో పాటు జియో సినిమా వేదికగా.. ఆగస్టు 1వ తేదీ నుంచి డ్యూన్‌ 2 (హాలీవుడ్), ఘుడ్‌ చడీ (హిందీ) స్ట్రీమింగ్ కానున్నాయి.