రివ్యూ : గ్యాంగ్ లీడర్

మనం, 24 లాంటి విభిన్నమైన చిత్రాలకి దర్శకత్వం వహించి మంచి పేరు తెచ్చుకున్నాడు విక్రమ్ కే కుమార్. అయన దర్శకత్వంలో తెరకెక్కిన చిత్రం గ్యాంగ్ లీడర్ ఈరోజు ప్రేక్షకుల ముందుకు వచ్చింది ... హీరో నాని మెయిన్ లీడ్ లో యాక్ట్ చేసాడు . హీరో కార్తికేయ విలన్ రోల్ లో కనిపించాడు. ప్రియాంక అరుల్‌ హీరోయిన్ గా నటించింది . మరి ఈ సినిమా ప్రేక్షకులను ఎంత వరకు ఆకట్టుకుందో మన సమీక్షలో చూద్దాం ...

కథ :

ఓ ఆరుగురు వ్యక్తులు కలిసి పంజాగుట్టాలోని ఓ బ్యాంకులో 300 కోట్ల దొంగతనం చేస్తారు , అయితే ఇందులో ఒకడు మిగతా ఐదుగురిని చంపి డబ్బుతో పరారి అవుతాడు. ఈ క్రమంలో అ ఐదుగురికి సంబంధించిన ఆడవాళ్లు అతనిపై పగ తీర్చుకోవాలని చూస్తారు . ఓ మంచి రివెంజ్ స్టొరీగా రాసి డబ్బులు సంపాదించుకుందాం అనుకున్న నవల రచయిత పెన్సిల్ పార్థసారథి( నాని ) సహాయం తీసుకుంటారు. ఆ ఐదుగురు ఆడవాళ్లతో కలిసి నాని అ హంతకుడిని ఎలా పట్టుకున్నాడు? ఈ కథకి విలన్ కార్తికేయకి సంబంధం ఏంటి అన్నది మిగిలిన కథ ...

విశ్లేషణ :

విక్రమ్ కే కుమార్ సినిమా అంటే కథ, కథనాల విషయంలో మంచి అంచనాలు ఉంటాయి . కానీ ఈ సినిమాలో అవి ఆశించిన స్థాయిలో లేవని చెప్పాలి . ఓ ఇంట్రెస్టింగ్ దోపిడీతో సినిమాని మొదలు పెట్టిన దర్శకడు సినిమా మొత్తాన్ని అదే ఫ్లోలో తీసుకెళ్లడంలో తడబడ్డాడనే చెప్పాలి . మొదటిభాగంలో అసలు కథ మైన ట్రాక్ ఎక్కినా దానిని ఆసక్తికరంగా మలచడంలో దర్శకుడిగా విక్రమ్ ఫెయిల్ అయ్యాడు. .రచయితగా మాత్రం ఒకే అనిపించాడు . ఫస్ట్ హాఫ్ లో కామెడి డైలాగ్స్ బాగా పేలాయి .ఇక రెండవ భాగంలో సాగదీత ఎక్కువ అవ్వడంతో ప్రేక్షకుడుకి బోర్ ఫీలింగ్ కలుగుతుంది . ఇక హంతకుడు ఎవరు అని కనిపెట్టే సన్నివేశాలు కూడా పెద్దగా ఆసక్తి లేకపోవడం సినిమాకి అతిపెద్ద మైనస్ గా చెప్పుకోవచ్చు . ఇక సినిమా క్లైమాక్స్ , హీరో హీరోయిన్స్ మధ్య లవ్ ట్రాక్ సన్నివేశాలు పర్వాలేదు అనిపించాయి ..

నటినటులు :

సినిమాకి అతి పెద్ద బలం నానినే అని చెప్పాలి . ఎప్పటిలాగే తన యాక్టింగ్ తో సినిమాని ఓన్ చేసుకున్నాడు . కొన్నికొన్ని సన్నివేశాల్లో నానిని ఎందుకు నాచురల్ స్టార్ అని ఎందుకు అంటారో అర్ధం అవుతుంది. అ తర్వాత సీనియర్ నటి లక్ష్మికి మంచి స్కోప్ ఉన్నా పాత్ర దక్కింది . హీరోయిన్ ప్రియాంక అరుల్‌ కి ఉన్నంతలో బాగానే నటించింది . విలన్ గా కార్తికేయ ఓ బ్యాడ్ బాయ్ పాత్రలో మంచి నటనని కనబరిచాడు ... మిగతా నటినటులు పాత్రల మేరకు ఒకే అనిపించారు .

సాంకేతిక వర్గం ;

అనిరుద్ అందించిన పాటలు అంతగా ఆకట్టుకోవు . అక్కడక్కడ నేపధ్య సంగీతం అలరిస్తుంది . నవీన్ నూలి తన ఎడిటింగ్ లో కొన్ని సన్నివేశాలకు కత్తెరకు పని చెప్పితే బాగుండు అనిపిస్తుంది . కెమరామెన్ పనితనం సో సో గా ఉంది . మైత్రి మూవీ మేకర్స్ నిర్మాణ విలువలు బాగున్నాయి .

చివరగా ఓ మాట: ఇది నానీ షో!

గమనిక : సినిమా రివ్యూ ఓ ప్రేక్షకుడి వ్యకిగత అభిప్రాయం మాత్రమే పూర్తి సినిమాని దియేటర్లోకి వెళ్లి చూడగలరు ..