Shyam Singha Roy Teaser Release: "స్త్రీ ఎవడికి దాసి కాదు ఆఖరికి ఆ దేవుడికి కూడా"

Shyam Singha Roy Teaser: రాహుల్ సాంకృత్యన్ దర్శకత్వంలో నాని హీరోగా నటిస్తున్న 'శ్యామ్ సింగ రాయ్' చిత్రానికి సంబంధించిన టీజర్ ను చిత్ర యూనిట్ తాజాగా విడుదల చేశారు. "స్త్రీ ఎవడికి దాసి కాదు ఆఖరికి ఆ దేవుడికి కూడా" అంటూ చెప్పే డైలాగ్ టీజర్ లో హైలైట్ అని చెప్పొచ్చు. 'శ్యామ్ సింగ రాయ్' చిత్రంలో రెండు పాత్రల్లో నాని కనిపించబోతున్నట్లు తెలుస్తుంది. 1970 లో కలకత్తా నేపథ్యంలో నడిచే ఈ కథలో నాని సరికొత్త లుక్‌తో కనిపించనున్నాడు.

నిహారిక ఎంటర్టైన్మెంట్స్ బ్యానర్ పై వెంకట్ బోయనపల్లి నిర్మిస్తున్న ఈ చిత్రంలో నాని సరసన సాయిపల్లవి, కృతి శెట్టి, మడోన్నాలు హీరోయిన్స్‌గా నటించారు. థ్రిల్లర్ గా తెరకెక్కుతున్న ఈ చిత్రం ఇప్పటికే షూటింగ్ పూర్తి చేసుకొని పోస్ట్ ప్రొడక్షన్ పనుల్లో బిజీబిజీగా ఉంది. "టక్ జగదీష్" చిత్రంతో డిజాస్టర్ మూటగట్టుకున్న నాని 'శ్యామ్ సింగ రాయ్' తో సూపర్ హిట్ కొడుతాడని టీజర్ చూసిన ప్రేక్షకులు అభిప్రాయపడుతున్నారు. క్రిస్మస్ కానుకగా ఈ సినిమాను డిసెంబర్ 24వ తేదీన విడుదల చేయనున్నారు.