సినిమాల్లోనూ, రాజకీయాల్లోనూ పవన్ పవర్ స్టారే: నాని

Nani Praises Pawan Kalyan: నాచురల్ స్టార్ నాని (Nani) గురించి అందరికీ తెలుసు. ఎలాంటి బ్యాక్‌గ్రౌండ్ లేకుండా స్టార్ హీరో రేంజ్‌కి ఎదిగారు నాని. ఎవరి సపోర్ట్ లేకుండా ఎదిగిన నాని అంటే చాలా గౌరవమని పవన్ చాలా సందర్భాల్లో చెప్పారు. అంతేకాదు పవన్ తనకు ఇన్స్పిరేషన్ అని నాని కూడా చాలా సందర్భాల్లో చెప్పారు. ఇటీవల జరిగిన ఎన్నికల్లో పవన్‌ను గెలిపించాలని బహిరంగంగానే స్టేట్‌మెంట్ ఇచ్చి తన అభిమానాన్ని చాటుకున్నారు నాని. తాజాగా రానా దగ్గుబాటి షోలో పవన్ గురించి నాని ఆసక్తికర కామెంట్స్ చేశారు. ఈ కామెంట్స్ ప్రస్తుతం వైరల్‌గా మారాయి.

పవర్ స్టార్ పవన్ కళ్యాణ్ (Pawan Kalyan) ప్రస్తుతం సినిమాల్లోనూ.. రాజకీయాల్లోనూ బిజీ బిజీగా గడుపుతున్నారు. ఈ క్రమంలోనే తాజాగా రానా దగ్గుబాటి షోకు హాజరైన నాని.. ఏపీ డిప్యూటీ సీఎం పవన్ గురించి మాట్లాడారు. పవన్ కళ్యాణ్ సినిమాల్లో ఎలాగైతే స్టార్ హీరో అయ్యారో.. అలాగే రాజకీయాల్లోనూ అదే స్థాయిలో ఎదిగారు. అక్కడ కూడా పవర్ స్టార్ అని నిరూపించుకున్నారు. ఎంతో మందికి స్ఫూర్తినిచ్చారని నాని అన్నారు. ఈ కామెంట్స్‌పై స్పందించిన రానా.. పవన్ చాలా కష్టపడి ఈ స్థాయికి వచ్చారు. ఆయన నిజంగానే సూపర్ స్టార్ అని అన్నారు.

రానా హోస్ట్‌గా వ్యవహరిస్తున్న ఈ షో 240 దేశాల్లో టెలికాస్ట్ అవుతోంది. ఈ షోకి నాని మొదటి గెస్ట్‌గా హాజరయ్యారు. 55వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియాలో మొదటి ఎపిసోడ్‌ను వరల్డ్ ప్రీమియర్‌గా ప్రసారం కూడా చేశారు. అయితే పవన్ గురించి నాని చెప్పిన మాటలు సోషల్ మీడియాలో వైరల్‌గా మారడమే కాకుండా.. 240 దేశాలు వింటున్నట్లయింది. ఈ రోజు నుంచి నాని ఎపిసోడ్ ప్రేక్షకుల ముందుకు రానుంది. ఈ కార్యక్రమంలో నానితో పాటు హాజరైన ప్రియాంక అరుల్ మోహన్.. రానా ప్రశ్నలకు ఆసక్తికర సమాధానాలిచ్చారు.

ఇక నాని ప్రస్తుతం వరుస సినిమాలతో దూసుకుపోతున్నారు. దసరా, హాయ్ నాన్న, సరిపోదా శనివారం సినిమాలతో హిట్స్ అందుకున్న నాని.. ప్రస్తుతం హిట్ 3 సినిమా చేస్తున్నాడు.