Mohan Lal, Mammootty: 16 ఏళ్ల తర్వాత ముమ్మట్టి, మోహన్ లాల్ మల్టీస్టారర్.. క్రేజీ లుక్‌తో ఎంట్రీ

Mohanlal and Mammootty multistarrer: ఏ సినీ పరిశ్రమలో అయినా స్టార్ హీరోలు కలిసి సినిమాలు చేస్తే వాటిపై భారీ అంచనాలు ఉంటాయి. గతంలో రెగ్యులర్‌గా మల్టీ స్టారర్ సినిమాలు వచ్చాయి. మళ్లీ అదే ట్రెండ్ ఇప్పుడు కంటిన్యూ అవుతోంది. మలయాళం స్టార్ హీరోలు మోహన్ లాల్, మమ్ముట్టి 16 ఏళ్ల తర్వాత మళ్లీ కలిసి సినిమా చేస్తున్నారు. ఈ సినిమాకు సంబంధించిన షూటింగ్ శ్రీలంకలో ప్రారంభమయింది. షూటింగ్‌కు సంబంధించిన ఫొటోలు ఇప్పుడు వైరల్ అవుతున్నాయి.

మలయాళం సినీ పరిశ్రమకు మోహన్ లాల్, మమ్ముట్టి రెండు కళ్లు లాంటి వాళ్లు. గతంలో వీరిద్ధరు చాలా సీనిమాల్లో కలిసి నటించారు. చివరగా 2008లో ట్వంటీ అనే సినిమాలో కలిసి నటించారు. ఇప్పుడు మళ్లీ వీరిద్దరు కలిసి నటించబోతున్నారు. మహేష్ నారాయణన్ దర్శకత్వంలో భారీ బడ్జెట్‌తో ఈ సినిమా తెరకెక్కుతుంది. ఈ సినిమాలో ఫహద్ ఫాజిల్, నయనతార, కుంచకో బొబన్, దర్శన రాజేంద్రన్.. ఇలా చాలా మంది స్టార్స్ నటిస్తున్నారు.

మహేష్ నారాయణన్ మొదట కమల్ హాసన్‌తో ఒక సినిమా చేయాల్సి ఉంది. కానీ కొన్ని అనివార్య కారణాల వల్ల ఆ సినిమా కార్యరూపం దాల్చలేదు. ఇక రెండేళ్ల గ్యాప్ తర్వాత ఆయన ఈ మల్టీ స్టారర్ సినిమాకి స్వీకారం చుట్టారు. శ్రీలంకలో ప్రారంభమైన ఈ సినిమా షూటింగ్‌లో ఆలెడ్రీ మోహన్ లాల్ జాయిన్ అయ్యారు. ప్రస్తుతం షూటింగ్‌కు సంబంధించిన ఫోటోలతో పాటు మోహన్ లాల్, మమ్ముట్టి కలిసి దిగిన ఫోటోలు సోషల్ మీడియాలో ట్రెండ్ అవుతున్నాయి. ఈ సినిమా షూటింగ్ విశాఖ, హైదరాబాద్, ఢిల్లీ, కొచ్చిన్, అబుదాబి, అజర్ బైజాన్‌లలో 150 రోజుల పాటు జరగనుంది.

పుష్ప2తో మలయాళ నటుడు ఫహాద్ పాజిల్ కూడా సోషల్ మీడియాలో వైరల్ అవుతున్నారు. గతంలో మమ్ముట్టి, మోహన్ లాల్ చిత్రాల్లో కనిపించిన ఆయన.. ఇప్పుడు వీరిద్దరూ కలిసి నటించబోయే మహేష్ నారాయణ్ చిత్రంలోనూ ఓ కీలక పాత్ర పోషించనున్నారు. త్వరలోనే ఫహాద్ కూడా ఈ సినిమా చిత్రీకరణలో పాల్గొననున్నారు. మొత్తానికి ఒక పర్ఫెక్ట్ భారీ మల్టీస్టారర్‌ని పక్కా ప్లాన్‌తో చేస్తున్నారని చెప్పాలి.

మలయాళ స్టార్ హీరోలు ఇద్దరూ కలిసి చేస్తుండడంతో ఈ సినిమాపై మలయాళంలోనే కాక ఇతర పరిశ్రమల్లో కూడా భారీ అంచనాలు నెలకొన్నాయి. మోహన్ లాల్ ప్రస్తుతం బరోజ్, కన్నప్ప, ఎల్2: ఎంపురాన్, రామ్, వృషభ చిత్రాల్లో నటిస్తున్నారు. ఇవన్నీ చిత్రీకరణ దశలో ఉన్నాయి. మమ్ముట్టి విషయానికొస్తే బజూకా, డొమినిక్ అంద్ ది లేడీస్ పర్స్ సినిమాల్లో నటిస్తున్నారు.