Chiranjeevi: కూతురు అల్లుడుతో సినిమా తీస్తున్న మెగాస్టార్ చిరంజీవి

Chiranjeevi: ఈ మధ్యనే సంక్రాంతి సందర్భంగా మెగాస్టార్ చిరంజీవి హీరోగా నటించిన "వాల్తేరు వీరయ్య" సినిమా బాక్స్ ఆఫీస్ వద్ద మంచి విజయాన్ని సాధించింది. ఇక చిరంజీవి తదుపరి సినిమాల విషయంలో అభిమానులు చాలా ఆసక్తి ఎదురుచూస్తున్నారు. ప్రస్తుతం చిరంజీవి మెహర్ రమేష్ దర్శకత్వంలో "భోళా శంకర్" అనే సినిమాతో బిజీగా ఉన్న సంగతి తెలిసిందే. తాజా సమాచారం ప్రకారం ఈ ఎడాది ఈ సినిమా థియేటర్లలో విడుదల కాబోతోంది.

తాజా సమాచారం ప్రకారం మెగాస్టార్ చిరంజీవి కూతురు సుస్మిత కొణిదల నిర్మాణంలో ఒక సినిమాని సైన్ చేసినట్లు తెలుస్తోంది. ఇంకా టైటిల్ ఖరారు కానీ ఈ సినిమా కోసం తమిళ్ డైరెక్టర్ పి ఎస్ మిత్రన్ ను దర్శకుడిగా ఎంపిక చేసినట్లు వార్తలు వినిపిస్తున్నాయి. బి వి ఎస్ రవి ఈ సినిమాకి కథ ను అందించారు. ఈ సినిమా కథ బాగా నచ్చడంతో చిరంజీవి వెంటనే ఓకే చెప్పేసారట.

ఈ మధ్యనే "శ్రీదేవి శోభన్ బాబు" సినిమాతో సుస్మిత కొణిదల మరియు తన భర్త విష్ణు ప్రసాద్ లు గోల్డ్ బాక్స్ ఎంటర్టైన్మెంట్ పతాకంపై నిర్మాతలు గా మారారు. అయితే మొదటి సినిమాతో పెద్దగా మెప్పించలేకపోయినా ఈ సినిమా కలెక్షన్లు పెద్ద చెప్పుకునే స్థాయిలో లేకపోయినప్పటికీ చిత్ర డిజిటల్ మరియు సాటిలైట్ రైట్స్ మంచి రివెన్యూలను తెచ్చిపెట్టాయి. మొదటి సినిమాతో మంచి విజయాన్ని అందుకో లేకపోయిన సుష్మిత రెండవ సినిమా కోసం చిరంజీవి ని రంగంలోకి దింపారు. సినిమాకి సంబంధించిన అధికారిక ప్రకటన త్వరలో వెలువడనుంది.