Mamta Mohandas: రాజమౌళి ఆ మాట అనగానే నా గుండె పగిలిపోయింది..

Mamta Mohandas: 2009లో అనుష్క శెట్టి హీరోయిన్గా నటించిన అరుంధతి సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. ఈ ఒక్క సినిమాతో అనుష్క కెరియర్ ఒక్కసారిగా మారిపోయింది. కోడి రామకృష్ణ దర్శకత్వం వహించిన ఈ సినిమాని శ్యాంప్రసాద్ రెడ్డి భారీ బడ్జెట్ తో నిర్మించారు. ఈ సినిమా సూపర్ హిట్ అవడంతో అప్పటిదాకా కమర్షియల్ హీరోయిన్ గా మాత్రమే పేరు తెచ్చుకున్న అనుష్క ఒక్కసారిగా లేడీ సూపర్ స్టార్ గా మారిపోయింది. అయితే నిజానికి ఈ సినిమాలో మరొక హీరోయిన్ నటించాల్సి ఉందట.

అనుష్క పోషించిన పాత్ర ముందుగా మమతా మోహన్ దాస్ చేతుల్లోకి వెళ్లిందట. తాజాగా ఒక ఇంటర్వ్యూలో మాట్లాడుతూ మమత ఈ విషయాన్ని వెల్లడించింది. నిజానికి అరుంధతి సినిమాలో తనకి అవకాశం వచ్చిందట. నిర్మాత శ్యాం ప్రసాద్ రెడ్డి తనని సంప్రదించగా సినిమా కోసం సంతకం కూడా చేసేసిందట. కానీ ఆ తర్వాత అంత పెద్ద సినిమా తీసే సత్తా ఆ డైరెక్టర్ కి లేదని కొందరు చెప్పగా, అందుకే సినిమా నుంచి తప్పకుందట.

అయితే ఆ తర్వాత యమదొంగ సినిమాలో నటిస్తున్న సమయంలో రాజమౌళితో ఈ విషయాన్ని చెప్పగా, రాజమౌళి తను చేసింది తప్పు అని చెప్పారట. "నువ్వు ఆ సినిమా చేయాల్సింది. ఆ సినిమాకి నువ్వు నో చెప్పి చాలా పెద్ద తప్పు చేశావు ఎందుకంటే ఆ సినిమాలో నటించిన నటి జీవితం తర్వాత మారిపోయింది అని ఆయన నాతో అన్నారు అప్పుడు నా గుండె పగిలింది. "అని చెప్పుకొచ్చింది మమతా మోహన్ దాస్.