SSMB28 Movie: షూటింగ్ ప్రారంభం.. ఫోటోస్ వైర‌ల్..

SSMB28: సూపర్ స్టార్ మహేష్‌ బాబు-స్టార్ డైరెక్టర్ త్రివిక్రమ్ కాంబినేషన్‌లో ముచ్చటగా మూడో చిత్రం షూటింగ్ మొదలైంది. దాదాపు 12 ఏళ్ల తర్వాత వీళ్ల కాంబోలో చిత్రం తెరకెక్కుతోంది. రామోజీ ఫిల్మ్‌సిటిలో SSMB28' షూటింగ్ ప్రారంభ‌మైంది. ఈ ఎపిసోడ్‌లో భారీ యాక్షన్ సన్నివేశాలను తెరకెక్కిస్తున్నారు. తాజాగా ప్రొడ్యూసర్ నాగవంశీ ఈ సినిమా షూటింగ్‌ను ప్రారంభించినట్లు ట్వీట్ చేశాడు. ఈ చిత్రంలో మహేష్‌కు జోడిగా పూజా హెగ్దే హీరోయిన్‌గా నటిస్తోంది. అయితే మహేష్-త్రివిక్రమ్ కలయికలో వస్తున్న ఈ చిత్రంపై అభిమానులు భారీ అంచనాలు పెట్టుకున్నారు. యాక్షన్ ఫ్యామిలీ ఎంటర్టైనర్‌గా తెరకెక్కుతున్న ఈ చిత్రం వచ్చే ఏడాది ఏప్రిల్‌ 28న తెలుగుతో పాటు తమిళంలోనూ విడుదల కాబోతోందని చిత్ర యూనిట్ ప్రకటించింది.