యూట్యూబ్‌ను షేక్‌ చేస్తున్న కేజీఎఫ్‌ 2 టీజర్‌

ఎన్నో రోజులుగా వేచి చూస్తున్నకెజియఫ్ 2 సినిమా టీజర్ విడుదల అయింది. కన్నడ స్టార్‌ హీరో యష్‌ ప్రధాన పాత్రలో ప్రశాంత్‌ నీల్‌ దర్శకత్వంలో తెరకెక్కుతున్న చిత్రం కేజీఎఫ్‌-2. కాగా.. కొద్దిసేపటి క్రితం ఈ టీజర్‌ను చిత్ర దర్శకుడు ప్రశాంత్‌ ట్విట్టర్‌ వేదికగా రిలీజ్‌ చేశారు. మొదటి విభాగానికి ఇది 2.0 వెర్షన్‌ అని చెప్పొచ్చు. కేజీఎఫ్‌ మొదటి భాగం భారీ విజయం సాధించడంతో.. ఈ సీక్వెల్‌పై మంచి అంచనాలు ఉన్నాయి. దాదాపు ఐదు భాషల్లో ఈ సినిమా రాబోతుంది. కన్నడతో పాటు తెలుగు, తమిళం, హిందీ, మళయాలంలో కెజియఫ్ 2 ఒకేరోజు విడుదలవుతుంది.

కెజియఫ్ పార్ట్ 1 భారీ స్థాయి విజయం సాధిస్తుందని అనుకోలేదేమో..?. ఎందుకంటే తొలిభాగం సృష్టించిన సంచలనాలు చూస్తుంటే ఆశ్చర్యపోవడం తప్ప ఇంకేం లేదు. ఈ సినిమా 230 కోట్ల గ్రాస్ వసూలు చేసింది. ఇలాంటి సమయంలో కెజియఫ్ చాప్టర్ 2 కోసమని అన్ని ఇండస్ట్రీల‌ నుంచి భారీ పోటీ ఉంది. తెలుగులో కెజియఫ్ తొలిభాగాన్ని 4 కోట్లకు తీసుకుంటే 13 కోట్ల షేర్ తీసుకొచ్చింది. తెలుగులో కెజియఫ్ 2 రైట్స్ దాదాపు 30 కోట్ల వరకు పలికినట్లు తెలుస్తుంది. ఏదేమైనా కూడా సంక్రాంతికి కెజియఫ్ 2 వస్తే మాత్రం కచ్చితంగా మిగిలిన సినిమాలు సైడ్ ఇవ్వక మానదు.