RC15 Movie: రామ్ చరణ్ సినిమా కోసం శంకర్ కు సహాయం చేస్తున్న కార్తీక్

RC15 Ram Charan Movie: మెగా పవర్ స్టార్ రామ్ చరణ్ ప్రస్తుతం రాజమౌళి దర్శకత్వంలో "ఆర్ఆర్ఆర్ (RRR)" సినిమాతో బిజీగా ఉన్న సంగతి తెలిసిందే. ఈ సినిమా తర్వాత రామ్ చరణ్ శంకర్ దర్శకత్వంలో ఒక చిత్రం తో ప్రేక్షకుల ముందుకు రాబోతున్నాడు. ఆర్ సి 15 అని పిలవబడుతున్న ఈ సినిమా మిగతా పొలిటికల్ గ్రామాల కంటే విభిన్నంగా ఉంటుందని తెలుస్తోంది. ఇలాంటి రాజకీయ సినిమాలు తీయడంలో దిట్ట అయిన శంకర్ మార్కు సన్నివేశాలు ఈ సినిమాలో కూడా ఉండబోతున్నయట.తాజా సమాచారం ప్రకారం జిగర్తాండా, పెట్ట మరియు జగమే తంతిరం సినిమాలతో ప్రేక్షకులను అలరించిన దర్శకుడు కార్తీక్ సుబ్బరాజు కూడా ఈ సినిమాలో ఒక భాగం కాబోతున్నారు.

వివరాల్లోకి వెళితే ఈ సినిమా కథను డెవలప్ చేసే విషయంలో కార్తీక్ సుబ్బరాజు కూడా సహాయం చేస్తున్నట్లు సమాచారం. ప్రస్తుతం కార్తిక్ సుబ్బరాజు మరియు దర్శకుడు శంకర్ కలిసి ఈ చిత్రం స్క్రిప్టు పూర్తి చేయబోతున్నారు. ప్యాన్ ఇండియన్ చిత్రంగా తెరకెక్కనున్న ఈ సినిమా కోసం ఇండస్ట్రీలో నుంచి స్టార్ నటీనటులను ఎంపిక చేయబోతున్నారు. దిల్ రాజు నిర్మిస్తున్న ఈ సినిమాలో కియారా అద్వానీ హీరోయిన్ గా నటిస్తోంది.