Kalki: కల్కిలో మలయాళ ముద్దుగుమ్మ.. ఇంతకీ ఎవరీ అన్నా బెన్‌..?

Anna Ben: ఒక్క తెలుగు సినిమానే కాకుండా యావత్ ఇండియన్‌ మూవీ ఇండస్ట్రీ కల్కి సినిమా విడుదల కోసం వేయి కళ్లతో ఎదురుచూస్తోంది. ప్రభాస్‌ హీరోగా నాగ అశ్విన్‌ దర్శకత్వంలో తెరకెక్కిన ఈ సినిమాపై భారీ అంచనాలు ఉన్నాయి. అత్యంత భారీ బడ్జెట్‌తో అట్టహాసంగా తెరకెక్కిన ఈ సినిమాపై ప్రస్తుతం నేషనల్‌ వైడ్‌గా బజ్‌ నెలకొంది. అంతర్జాతీయ ప్రమాణాలతో తెరకెక్కిన ఈ సినిమా భారీ విజయాన్ని అందుకోవడం ఖాయమని మేకర్స్‌ ధీమాతో ఉన్నారు.

ఇదిలా ఉంటే ఈ చిత్రాన్ని జూన్‌ 27వ తేదీన ప్రపంచవ్యాప్తంగా గ్రాండ్‌గా విడుదల చేసేందుకు చిత్ర యూనిట్ సన్నాహాలు చేస్తోంది. ఈ నేపథ్యంలో సినిమా ప్రమోషన్స్‌లో వేగాన్ని పెంచారు. ఇప్పటికే ట్రైలర్‌తో పాటు ప్రీ రిలీజ్‌ ఈవెంట్స్‌తో సినిమాపై హైప్‌ తీసుకొచ్చిన చిత్ర యూనిట్‌. సినిమాలో ఒక్కో పాత్రను పరిచయం చేస్తూ టీజర్‌లను విడుదల చేస్తున్నారు. ఇందులో భాగంగానే తాజాగా ఈ సినిమాలో కీలక పాత్ర పోషించిన మలయాళ బ్యూటీ అన్నా బెన్నెకు సంబంధించిన పాత్రను చిత్ర యూనిట్ విడుదల చేసింది.

ది లక్కీ రెబల్ అంటూ కైరా క్యారెక్టర్‌ను పరిచయం చేశారు మేకర్స్‌. ఇందులో భాగంగా అన్నా బెన్నె ఫస్ట్‌ లుక్‌ను విడుదల చేశారు. దీంతో ఎవరీ అన్నాబెన్‌ అని తెలుసుకోవడానికి ప్రేక్షకులు ఆసక్తి చూపిస్తున్నారు. నెట్టింట ఈ బ్యూటీకి సంబంధించిన వివరాల కోసం తెగ సెర్చ్‌ చేస్తున్నారు. కొచ్చికి చెందిన బెన్ అక్కడే ఫ్యాషన్ అండ్ అపెరల్ డిజైనింగ్ చేసింది. ఆమె తండ్రి మలయాళంతోపాటు తమిళంలో స్క్రీన్ రైటర్ గా పనిచేశారు. దీంతో బాల్యం నుంచే అన్నాకు ఇండస్ట్రీతో పరిచయం ఉంది.

ఇక చదువు పూర్తికాగానే ఈ బ్యూటీ కుంబలంగి నైట్స్ అనే సనిమాతో వెండి తెరకు పరిచయమైంది. తొలి చిత్రంతోనే తనదైన నటనతో ప్రేక్షకులను మెస్మరైజ్‌ చేసింది. ఉత్తమ పరిచయ నటిగా సైమా, కేరళ స్టేట్ ఫిల్మ్ అవార్డ్స్ సహా పలు పురస్కారాలు అందుకొని సత్తా చాటింది. ఆ తర్వాత హెలెన్, కప్పేలా, నారదన్, నైట్ డ్రైవ్, కాపా వంటి చిత్రాల్లో నటించి మెప్పించింది. ఇక తాజాగా కల్కితో తెలుగు ప్రేక్షకులను కూడా పలకరించేందుకు సిద్ధమవుతోంది. కల్కిలో అవకాశం దక్కడం మాట్లాడిన అన్నా.. నాగ్ అశ్విన్ కల్కి గురించి చెప్పగానే చాలా సంతోషించానని.. ఇప్పటివరకూ సైన్స్ ఫిక్షన్ సినిమాలో నటించలేదని.. ఆ డ్రీమ్ కల్కి మూవీతో నెరవేరిందని ప్రభాస్, అమితాబ్, కమల్ వంటి నటులతో నటించడం మర్చిపోలేని జ్ఞాపకమని చెప్పుకొచ్చింది.