Kalki 2898 AD OTT: 'కల్కి' ఓటీటీ వెర్షన్‌లో ఈ మార్పులు గమనించారా.?

Kalki 2898 AD OTT: ప్రభాస్‌ హీరోగా, నాగ అశ్విన్‌ దర్శకత్వంలో వచ్చిన కల్కి మూవీ ఎలాంటి వండర్స్‌ క్రియేట్ చేసిందో ప్రత్యేకంగా చెప్పాల్సిన పనిలేదు. పురాణాలు, ఆధునిక ప్రపంచాన్ని మిక్స్‌ చేస్తూ నాగ అశ్విన్‌ సృష్టించిన నాగ అశ్విన్‌ సృష్టించిన కళా ఖండానికి ప్రేక్షకులు ఫిదా అయ్యారు. ప్రపంచవ్యాప్తంగా విడుదలైన అన్ని చోట్ల ఈ సినిమా ఊహించని కలెక్షన్లను రాబట్టింది.

సైన్స్ ఫిక్షన్‌ జోనర్‌లో తెరకెక్కిన ఈ సినిమా ఏకంగా రూ. 1100 కోట్లకుపైగా వసూళ్లు రాబట్టి ఊహకందని విజయాన్ని నమోదు చేసుకుంది. ప్రభాస్, అమితాబ్‌, కమల్‌హాసన్‌ నటన నాగ అశ్విన్‌ గొప్ప విజన్‌ సినిమాను విజయ తీరాలకు చేర్చింది. థియేటర్స్‌లో భారీ విజయాన్ని అందుకున్న కల్కి చిత్రం ఇప్పడు ఓటీటీ వేదికగా స్ట్రీమింగ్ అవుతోంది.

తెలుగు తమిళం, కన్నడ, మలయాళ వెర్షన్‌ అమెజాన్‌ ప్రైమ్‌ వీడియో స్ట్రీమింగ్ అవుతుండగా.. హిందీ వెర్షన్‌ మాత్రం నెట్‌ఫ్లిక్స్‌ వేదికగా స్ట్రీమింగ్ అవుతోంది. ఇదిలా ఉంటే ఓటీటీ వేదికగా స్ట్రీమింగ్ అవుతోన్న వెర్షన్‌లో మేకర్స్‌ కొన్ని సన్నివేశాలను ట్రిమ్‌ చేసినట్లు స్పష్టమవుతోంది. ఓటీటీ వెర్షన్‌లో కొంతమేర సన్నివేశాలను ట్రిమ్‌ చేసినట్లు అర్థమవుతోంది. ఇంతకీ ఓటీటీ వేదికగా ఏ సన్నివేశాలను ట్రిమ్‌ చేశారో, ఆ వివరాలు మీకోసం..

* ప్రభాస్‌ పరిచయ సన్నివేశంలో జరిగే ఫైట్ సీన్‌లో కొంతమేర తగ్గించారు. థియేటర్‌ వెర్షన్‌లో ఈ ఫైట్ పెద్దగా ఉంటుంది.

* ఇక సినిమాలో ఓ ముసలావిడ, విలన్‌.. ప్రభాస్‌ను కప్పగా రెఫర్‌ చేస్తూ ఉండే సీన్‌ను తొలగించారు.

* ఇక దిశా పఠానితో ఉన్న ట టక్కర పాటలోని కొన్ని సన్నివేశాలను ట్రిమ్‌ చేశారు. ముఖ్యంగా బీచ్‌ సన్నివేశాలను తొలగించారు.

* అలాగే మెరూన్‌ అవుట్ ఫిట్‌లో ఉన్న ప్రభాస్‌ను సెక్యూరిటీ సిబ్బంది బయటకు వంపించే సీన్‌ను తొలగించారు.

* వీటితో పాటు ఓటీటీ వేదికగా స్ట్రీమింగ్ అవుతోన్న సినిమాలో డబ్బింగ్‌లో స్వల్ప మార్పులు చేశారు.

* దీపికా పదుకొనె మండుతున్న సొరంగం గుండా వచ్చే ఇంటర్వెల్ సీన్‌లో కొంతమేర ట్రిమ్‌ చేశారు.